ಸುದ್ದಿಬಿಂದು ಬ್ಯೂರೋ ವರದಿ
ಅಂಕೋಲಾ : ಹೆದ್ದಾರಿಯಲ್ಲಿ ಹೋಗುತ್ತಿದ್ದ ಜಾನುವಾರು ತಪ್ಪಿಸಲು ಹೋಗಿ ಕಾರ ಪಲ್ಟಿಯಾದ ಪರಿಣಾಮ ಕಾರು ಚಾಲಕ ಸ್ಥಳದಲ್ಲೇ ಮೃತ ಪಟ್ಟಿರುವ ಘಟನೆ ಉತ್ತರಕನ್ನಡ ಜಿಲ್ಲೆಯ ಅಂಕೋಲಾ ತಾಲೂಕಿನ ಕೊಡಸಣಿ ಕ್ರಾಸ್ ಬಳಿ ರಾಷ್ಟ್ರೀಯ ಹೆದ್ದಾರಿ 66ರಲ್ಲಿ ನಡೆದಿದೆ.
ಅಪಘಾತದಲ್ಲಿ ಕಾರು ಚಾಲಕ ಹೊನ್ನಾವರ ಮೂಲದ ಹರೀಶ ನಾಯ್ಕ (25) ಎಂಬಾತ ಸ್ಥಳದಲ್ಲೆ ಮೃತಪಟ್ಟಿದ್ದು, ಕಾರನಲ್ಲಿದ್ದ ದಿನೇಶ ಎಂಬಾತ ಗಾಯಗೊಂಡಿದ್ದಾರೆ. ಇವರು ಹೊನ್ನಾವರದಿಂದ ಅಂಕೋಲಾ ಕಡೆ ಚಲಿಸುತ್ತಿದ್ದರು ಎನ್ನಲಾಗಿದೆ. ಈ ವೇಳೆ ಕೊಡಸಣಿ ಕ್ರಾಸ್ ಸಮೀಪ ಚಲಿಸುತ್ತಿದ್ದ ವೇಳೆ ಜಾನುವಾರು ಒಂದು ಕಾರು ಎದುರಿಗೆ ಬಂದಿದೆ ಎನ್ನಲಾಗಿದ್ದು, ಈ ವೇಳೆ ಜಾನುವಾರು ತಪ್ಪಿಸಲು ಹೋಗಿರುವ ಪರಿಣಾಮ ಹೆದ್ದಾರಿ ಪಕ್ಕದಲ್ಲಿ ಪಲ್ಟಿಯಾಗಿದೆ. ಇದರಿಂದಾಗಿ ಚಾಲಕ ಕಾರಿನಿಂದ ಹೆದ್ದಾರಿಯ ಮೇಲೆ ಬಿದ್ದು ಸ್ಥಳದಲ್ಲೇ ಮೃತಪಟ್ಟಿದ್ದಾನೆ.
ಅಂಕೋಲಾ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಈ ಘಟನೆ ನಡೆದಿದ್ದು, ಸ್ಥಳಕ್ಕೆ ಭೇಟಿ ನೀಡಿದ ಅಂಕೋಲಾ ಪೊಲೀಸರು ಪರಿಶೀಲನೆ ನಡೆಸಿದ್ದಾರೆ. ಇನ್ನೂ ಗಾಯಗೊಂಡ ದಿನೇಶ ಎಂಬಾತನಿಗೆ ಅಂಕೋಲಾ ಸರಕಾರಿ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗಿದೆ.
ಗಮನಿಸಿ
- ಮೀನು ಖರೀದಿಗೆ ಇನ್ಮುಂದೆ ಮಾರುಕಟ್ಟೆಗೆ ಅಲೆಯಬೇಕಿಲ್ಲ! ಕುಳಿತಲ್ಲೇ ಸಿಗಲಿದೆ ತಾಜಾ ಮೀನಿನ ಮಾಹಿತಿ; ಶೀಘ್ರದಲ್ಲೇ ಬರಲಿದೆ ‘ಮೀನು ಪೇಟೆ’ ಆ್ಯಪ್!
- ಯಶ್ವಂತಪುರ–ಮಡಗಾಂವ್ ವಂದೇ ಭಾರತ್ ರೈಲಿಗೆ ರೂಪಾಲಿ ನಾಯ್ಕ ಸ್ವಾಗತ: ಕರಾವಳಿ ಸಂಪರ್ಕಕ್ಕೆ ಹೊಸ ಬಲ
- ವಿಶೇಷ ಮಕ್ಕಳ ಮುಖದಲ್ಲಿ ಮಂದಹಾಸ ಮೂಡಿಸಿದ ರೂಪಾಲಿ ನಾಯ್ಕ ಕುಟುಂಬ! ಆಶಾನಿಕೇತನ ವಿದ್ಯಾರ್ಥಿಗಳೊಂದಿಗೆ ದೀಪಾವಳಿ ಸಂಭ್ರಮ ಹಂಚಿಕೊಂಡ ಪರ್ಬತ್ ನಾಯ್ಕ, ರೇಖಾ, ರಿಹಾನ್
- ಆರೋಗ್ಯ ಇಲಾಖೆಯ ಗುತ್ತಿಗೆ ನೌಕರರಿಗೆ ಭರ್ಜರಿ ಗುಡ್ ನ್ಯೂಸ್ : 15 ಸಾವಿರದಿಂದ₹25 ಸಾವಿರಕ್ಕೆ ಏರಿಕೆ !
