ಸುದ್ದಿಬಿಂದು ಬ್ಯೂರೋ ವರದಿ
ಕಾರವಾರ: ಹಬ್ಬದ ಸಂಭ್ರಮ ಎಂದರೆ ಕೇವಲ ಸಿಹಿತಿಂಡಿ, ಪಟಾಕಿ, ಹೊಸ ಬಟ್ಟೆಗಳಿಗೆ ಸೀಮಿತವಲ್ಲ.ನಾಲ್ಕು ಗೋಡೆಗಳ ನಡುವೆ ತಮ್ಮದೇ ಲೋಕದಲ್ಲಿ ಬದುಕುತ್ತಿರುವ ವಿಶೇಷ ಮಕ್ಕಳೊಂದಿಗೆ ಸಂತಸದ ಕ್ಷಣಗಳನ್ನು ಹಂಚಿಕೊಂಡಾಗ ಹಬ್ಬದ ನಿಜವಾದ ಅರ್ಥ ಸಾಕಾರವಾಗುತ್ತದೆ. ಇಂತಹ ಮಾನವೀಯ ಕಾರ್ಯದ ಮೂಲಕ ಮಾಜಿ ಶಾಸಕಿ ರೂಪಾಲಿ ಎಸ್. ನಾಯ್ಕ ಅವರ ಕುಟುಂಬ ಗಮನ ಸೆಳೆಯಿತು. ರೂಪಾಲಿ ಎಸ್. ನಾಯ್ಕ ಅವರ ಪುತ್ರ, ಯುವ ಮುಖಂಡ ಪರ್ಬತ್ ನಾಯ್ಕ, ಅವರ ಪತ್ನಿ ರೇಖಾ ಹಾಗೂ ಮೊಮ್ಮಗ ರಿಹಾನ್ ಅವರು ದೀಪಾವಳಿ ಅಂಗವಾಗಿ ಸಿಹಿತಿಂಡಿಗಳನ್ನು ವಿತರಿಸಿ ಸಂಭ್ರಮ ಹಂಚಿಕೊಂಡರು.
ಶ್ರವಣದೋಷ ಹಾಗೂ ಮಾತಿನ ಸಮಸ್ಯೆ ಹೊಂದಿರುವ ಶಾಲೆಯ ವಿದ್ಯಾರ್ಥಿಗಳೊಂದಿಗೆ ಆತ್ಮೀಯವಾಗಿ ಬೆರೆತ ಕುಟುಂಬದ ಸದಸ್ಯರು, ಮಕ್ಕಳ ಸಂತಸದ ಕ್ಷಣಗಳಿಗೆ ಸಾಕ್ಷಿಯಾದರು. ಸಿಹಿತಿಂಡಿಗಳನ್ನು ವಿತರಿಸಿ ಮಕ್ಕಳ ಮುಖದಲ್ಲಿ ಮಂದಹಾಸ ಮೂಡಿಸಿದರು. ಮಕ್ಕಳೊಂದಿಗೆ ಸಮಯ ಕಳೆದು ಅವರ ಸಂತಸದಲ್ಲಿ ಪಾಲ್ಗೊಂಡರು. ಈ ಮೂಲಕ ವಿಶೇಷ ಮಕ್ಕಳೊಂದಿಗೆ ಆತ್ಮೀಯತೆ ಹಾಗೂ ಪ್ರೀತಿಯನ್ನು ಹಂಚಿಕೊಂಡರು. ಹಲವು ಪ್ರಮುಖರು ಪಾಲ್ಗೊಂಡಿದ್ದರು.
ಇದನ್ನೂ ಓದಿ/ ಆರೋಗ್ಯ ಇಲಾಖೆಯ ಗುತ್ತಿಗೆ ನೌಕರರಿಗೆ ಭರ್ಜರಿ ಗುಡ್ ನ್ಯೂಸ್ : 15 ಸಾವಿರದಿಂದ₹25 ಸಾವಿರಕ್ಕೆ ಏರಿಕೆ !
