ಸುದ್ದಿಬಿಂದು ಬ್ಯೂರೋ ವರದಿ
ಕುಮಟಾ:ತಾಲೂಕಿನ ಬರ್ಗಿ ಗ್ರಾಮದ ರಾಷ್ಟೀಯ ಹೆದ್ದಾರಿ 66ಕ್ಕೆ ಹೊಂದಿಕೊಂಡಿರುವ ಶ್ರೀಘಟಭೀರ ದೇವಸ್ಥಾನದ ಬೀಗ ಮುರಿದು ಲಕ್ಷಾಂತರ ರೂಪಾಯಿ ವಸ್ತು ಹಾಗೂ ಕಾಣಿಕೆ ಹುಂಡಿ ಕಳ್ಳತನ ಮಾಡಿರುವ ಘಟನೆ ನಡೆದಿದೆ.
ದೇವಸ್ಥಾನದ ಬೀಗ ಮುರಿದ ಕಳ್ಳರು ದೇಗುಲದಲ್ಲಿದ್ದ ಎರಡು ಕಾಣಿಕೆ ಹುಂಡಿ ಹಾಗೂ ಸಿಸಿ ಕ್ಯಾಮರಾಕ್ಕೆ ಅಳವಡಿಸಲಾಗಿರುವ ಟಿವಿ ಹಾಗೂ ಇನ್ವರ್ಟರ್ ಬ್ಯಾಟರಿ , ಡಿಜಿಟಲ್ ನಾಮಫಲಕ ಸೇರಿದಂತೆ ದೇವಾಲಯದಲ್ಲಿದ್ದ ಮಹತ್ವದ ವಸ್ತುಗಳನ್ನ ಕಳ್ಳರು ಕದ್ದೊಯ್ದಿದ್ದಾರೆ. ದೇವಸ್ಥಾನದಲ್ಲಿ ಕಳ್ಳತನವಾಗಿರುವ ಬಗ್ಗೆ ವಿಚಾರ ತಿಳಿಯುತ್ತಿದ್ದಂತೆ ಗೋಕರ್ಣ ಪೊಲೀಸರಿಗೆ ಮಾಹಿತಿ ನೀಡಿದ್ದು, ಸ್ಥಳಕ್ಕೆ ಬಂದ ಪೊಲೀಸರು ಕಾರವಾರದಿಂದ ಬೆರಳಚ್ಚು ತಜ್ಞರು, ಹಾಗೂ ಶ್ವಾನದಳ ಕರೆಸಿ ಪರಿಶೀಲನೆ ನಡೆಸಿದ್ದಾರೆ.
ಘಟನಾ ಸ್ಥಳಕ್ಕೆ ಬಂದ ಪೊಲೀಸ್ ಶ್ವಾನವು ದೇವಸ್ಥಾನದ ಸುತ್ತ ಸುತ್ತಾಡಿದ್ದು ಬಳಿಕ ದೇವಸ್ಥಾನದ ಹಿಂಬದಿಯಿಂದ ರಾಷ್ಟೀಯ ಹೆದ್ದಾರಿಯ ತನಕ ಪರಿಶೀಲನೆ ನಡೆಸಿದೆ.ಈ ಬಗ್ಗೆ ಗೋಕರ್ಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಗಮನಿಸಿ
