ಸುದ್ದಿಬಿಂದು ಬ್ಯೂರೋ ವರದಿ
ಕುಮಟಾ : ಸಾರ್ವಜನಿಕ ಸ್ಥಳದಲ್ಲಿ ಓಸಿ ಮಟ್ಕಾ ದಂಧೆ ನಡೆಸುತ್ತಿದ್ದ ಆರೋಪದ ಮೇಲೆ ಕುಮಟಾ ಪೊಲೀಸರು ಕತ್ತಗಾಲ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಉಪ್ಪಿನಪಟ್ಟಣ ರಸ್ತೆಯಲ್ಲಿ ಸೆಪ್ಟೆಂಬರ್ 2ರಂದು ನಡೆದಿದೆ ದಾಳಿ ನಡೆಸಿ 1,490 ನಗದು ಸೇರಿದಂತೆ ಓಸಿ ಮಟ್ಕಾಗೆ ಬಳಸುತ್ತಿದ್ದ ಪೆನ್ನು ಹಾಗೂ ಪಟ್ಟಿಯನ್ನು ವಶಕ್ಕೆ ಪಡೆದ ಬೆನ್ನಲ್ಲೆ ಇದೀಗ ‘ಡಿಜಿಟಲ್’ ದಂಧೆ ಜೋರಾಗಿದೆ ಎನ್ನಲಾಗಿಗುತ್ತಿದೆ.
ಕುಮಟಾ ಪೊಲೀಸ್ ಠಾಣೆಯ ನಾಗಾನಂದ ನೆಗಳೂರು ನೇತೃತ್ವದಲ್ಲಿ ಈ ದಾಳಿ ನಡೆದಿದ್ದು, ಸಾರ್ವಜನಿಕ ಸ್ಥಳದಲ್ಲಿ ಓಸಿ ಮಟ್ಕಾ ತೆಗೆದುಕೊಳ್ಳುತ್ತಿದ್ದ ವೇಳೆ ಪೊಲೀಸರು ದಾಳಿ ನಡೆಸಿದ್ದಾರೆ. ಈ ನಡುವೆ, ಕತ್ತಗಾಲ ಪೊಲೀಸ್ ಠಾಣೆಯ ಸಮೀಪದಲ್ಲೇ ಓಸಿ ಮಟ್ಕಾ ದಂಧೆ ನಡೆಯುತ್ತಿದೆ ಎಂಬ ಆರೋಪಗಳು ಸಾರ್ವಜನಿಕ ವಲಯದಲ್ಲಿ ಕೇಳಿಬರುತ್ತಿವೆ. ಕತ್ತಗಾಲ ಪೊಲೀಸ್ ಠಾಣೆಯಿಂದ ಮೂರು ಅಡಿ ದೂರದಲ್ಲಿ ಓಸಿ-ಮಟ್ಕಾ ಚೀಟಿ ಬರೆಯಲಾಗುತ್ತಿದೆ ಎಂಬ ಕುರಿತು ಸುದ್ದಿಬಿಂದು ವರದಿ ಪ್ರಕಟಿಸಿತ್ತು. ಆದರೆ, ಠಾಣೆಯ ಸಮೀಪದಲ್ಲಿ ನ್ಯಾಯಬೆಲೆ ಅಂಗಡಿಯಲ್ಲಿ ರೇಷನ್ ತೆಗೆದುಕೊಳ್ಳಲು ಕ್ಯೂ ನಿಲ್ಲುವಂತೆ ನಿಂತು ಓಪನ್ ಕ್ಲೋಸ್ ತೆಗೆದುಕೊಳ್ಳುವಲ್ಲಿ ಯಾಕೆ ದಾಳಿಯಾಗಿಯಲ್ಲ ಎಂದು ಸಾರ್ವಜನಿಕರು ಪ್ರಶ್ನೆ ಮಾಡುವಂತಾಗಿದೆ.
ಸೆಪ್ಟೆಂಬರ್ 2ರಂದು ಒಂದು ಕಡೆ ಪೊಲೀಸರು ದಾಳಿ ನಡೆಸಿದ ಬಳಿಕ, ಇದೀಗ ಪೆನ್ನು ಹಾಗೂ ಪಟ್ಟಿಯ ಬದಲಿಗೆ ಡಿಜಿಟಲ್ ಓಸಿ ಮಟ್ಕಾ ದಂಧೆ ನಡೆಯುತ್ತಿದೆ ಎಂಬ ಆರೋಪವೂ ಕೇಳಿಬರುತ್ತಿದೆ. ಠಾಣೆಯ ಸುತ್ತಮುತ್ತಲ ಪ್ರದೇಶದಲ್ಲೇ ಇಂತಹ ಚಟುವಟಿಕೆಗಳು ನಡೆಯುತ್ತಿವೆ ಎಂಬ ಸಾರ್ವಜನಿಕರ ಆರೋಪಗಳ ಹಿನ್ನೆಲೆಯಲ್ಲಿ ಪೊಲೀಸರು ಈ ಬಗ್ಗೆ ಸಮಗ್ರ ತನಿಖೆ ನಡೆಸಿ, ಅಕ್ರಮ ಚಟುವಟಿಕೆಗಳಿಗೆ ಕಡಿವಾಣ ಹಾಕಬೇಕೆಂಬ ಒತ್ತಾಯ ಕೇಳಿಬಂದಿದೆ.
ಪೊಲೀಸರು ಒಂದು ಸ್ಥಳದಲ್ಲಿ ನಡೆಸಿದ ದಾಳಿಯಷ್ಟೇ ಅಲ್ಲದೆ, ಕತ್ತಗಾಲ ಪೊಲೀಸ್ ಠಾಣೆಯ ಸುತ್ತಮುತ್ತಲಿನ ಪ್ರದೇಶಗಳಲ್ಲೂ ನಡೆಯುತ್ತಿದೆ ಎನ್ನಲಾಗುತ್ತಿರುವ ಓಸಿ ಮಟ್ಕಾ ಚಟುವಟಿಕೆಗಳ ಬಗ್ಗೆ ನಿಗಾ ವಹಿಸಿ ಸೂಕ್ತ ಕಾನೂನು ಕ್ರಮ ಕೈಗೊಳ್ಳದೆ ಇದ್ದರೆ ಜಿಲ್ಲೆಯ ಹಿರಿಯ ಅಧಿಕಾರಿಗಳಿಗೆ ದಾಖಲೆ ಸಹಿತಿ ದೂರು ನೀಡೋದಕ್ಕೂ ಸಹ ಸ್ಥಳಿಯರು ಮುಂದಾಗಿದ್ದಾರೆನ್ನಲಾಗಿದೆ.
