ಕಾರವಾರ: ಉತ್ತರ ಕನ್ನಡ ಜಿಲ್ಲೆಯ ಗ್ರಾಮೀಣ ಸ್ಥಳೀಯ ಸಂಸ್ಥೆಗಳ ಚುನಾವಣೆಗೆ ಸಂಬಂಧಿಸಿದಂತೆ ಮಹತ್ವದ ಬೆಳವಣಿಗೆ ನಡೆದಿದೆ. ಜಿಲ್ಲಾ ಪಂಚಾಯತ್‌ನ 53 ಹಾಗೂ 12 ತಾಲೂಕು ಪಂಚಾಯತ್‌ಗಳ 118 ಕ್ಷೇತ್ರಗಳ ಮೀಸಲಾತಿ ಪ್ರಕಟಗೊಂಡಿದೆ.
ಜಿಲ್ಲೆಯ ಜಿಲ್ಲಾ ಪಂಚಾಯತ್ ಮತ್ತು ತಾಲೂಕು ಪಂಚಾಯತ್ ಕ್ಷೇತ್ರಗಳ ಮೀಸಲಾತಿ ನಿಗದಿಪಡಿಸಿ ಕರಡು ಅಧಿಸೂಚನೆ ಪ್ರಕಟಿಸಲಾಗಿದೆ. ಮೀಸಲಾತಿ ಕುರಿತು ಆಕ್ಷೇಪಣೆ ಸಲ್ಲಿಸಲು ಅಕ್ಟೋಬರ್ 19ರ ಸಂಜೆ 5 ಗಂಟೆಯವರೆಗೆ ಅವಕಾಶ ನೀಡಲಾಗಿದ್ದು, ಆಕ್ಷೇಪಣೆಗಳ ಪರಿಶೀಲನೆಯ ಬಳಿಕ ಮೀಸಲಾತಿ ಅಂತಿಮಗೊಳ್ಳಲಿದೆ. ಹೀಗಾಗಿ ಪ್ರಕಟಿತ ಮೀಸಲಾತಿ ಆಧರಿಸಿ ಚುನಾವಣಾ ಸಿದ್ಧತೆ ಆರಂಭಿಸಲು ರಾಜಕೀಯ ವಲಯದಲ್ಲಿ ಚಟುವಟಿಕೆ ಹೆಚ್ಚಾಗುವ ನಿರೀಕ್ಷೆಯಿದೆ.
ಜಿಲ್ಲಾ ಪಂಚಾಯತ್ ಕ್ಷೇತ್ರಗಳ ಮೀಸಲಾತಿ
ರಾಮನಗರ–ಸಾಮಾನ್ಯ (ಮಹಿಳೆ), ಜಗಲಬೇಟ–ಸಾಮಾನ್ಯ (ಮಹಿಳೆ), ಜೋಯಿಡಾ–ಹಿಂದುಳಿದ ವರ್ಗ ‘ಅ’, ಅಂಬಿಕಾನಗರ–ಸಾಮಾನ್ಯ, ಮಂಗಳವಾಡ–ಸಾಮಾನ್ಯ (ಮಹಿಳೆ), ತೇರಗಾಂವ–ಸಾಮಾನ್ಯ, ಗುಂಡೋಳ್ಳಿ–ಹಿಂದುಳಿದ ವರ್ಗ ‘ಅ’, ಮುರ್ಕವಾಡ–ಹಿಂದುಳಿದ ವರ್ಗ ‘ಅ’ (ಮಹಿಳೆ), ಮಾಜಾಳಿ–ಸಾಮಾನ್ಯ (ಮಹಿಳೆ), ಚಿತ್ತಾಕುಲಾ–ಹಿಂದುಳಿದ ವರ್ಗ ‘ಅ’ (ಮಹಿಳೆ), ಮಲ್ಲಾಪುರ–ಹಿಂದುಳಿದ ವರ್ಗ ‘ಬ’ (ಮಹಿಳೆ), ಕಡವಾಡ–ಸಾಮಾನ್ಯ, ಚೆಂಡಿಯಾ–ಸಾಮಾನ್ಯ, ಇಡಗುಂದಿ–ಸಾಮಾನ್ಯ, ಕಿರವತ್ತಿ–ಸಾಮಾನ್ಯ (ಮಹಿಳೆ), ಕಂಪ್ಲಿ (ಮಂಚಿಕೇರಿ)–ಹಿಂದುಳಿದ ವರ್ಗ ‘ಅ’, ಮೈನಳ್ಳಿ–ಹಿಂದುಳಿದ ವರ್ಗ ‘ಅ’, ಇಂದೂರ–ಅನುಸೂಚಿತ ಜಾತಿ (ಮಹಿಳೆ), ಚಿಗಳ್ಳಿ–ಸಾಮಾನ್ಯ, ಪಾಳಾ–ಸಾಮಾನ್ಯ, ಅಗಸೂರು–ಸಾಮಾನ್ಯ (ಮಹಿಳೆ), ಅವರ್ಸಾ–ಹಿಂದುಳಿದ ವರ್ಗ ‘ಬ’, ಭಾವಿಕೇರಿ–ಸಾಮಾನ್ಯ, ಶೇಟಗೇರಿ–ಹಿಂದುಳಿದ ವರ್ಗ ‘ಅ’, ಬೆಳಸೆ–ಸಾಮಾನ್ಯ, ಹುಲೇಕಲ್–ಸಾಮಾನ್ಯ, ಸೋಂದಾ–ಸಾಮಾನ್ಯ (ಮಹಿಳೆ), ದೊಡ್ಡಳ್ಳಿ–ಹಿಂದುಳಿದ ವರ್ಗ ‘ಅ’ (ಮಹಿಳೆ), ಬದನಗೋಡ–ಅನುಸೂಚಿತ ಜಾತಿ (ಮಹಿಳೆ), ಬನವಾಸಿ–ಹಿಂದುಳಿದ ವರ್ಗ ‘ಬ’ (ಮಹಿಳೆ), ಜಾನ್ಮನೆ–ಸಾಮಾನ್ಯ (ಮಹಿಳೆ), ಮೂರೂರು–ಸಾಮಾನ್ಯ (ಮಹಿಳೆ), ಹೆಗಡೆ–ಹಿಂದುಳಿದ ವರ್ಗ ‘ಅ’, ಮಿರ್ಜಾನ–ಸಾಮಾನ್ಯ (ಮಹಿಳೆ), ಗೋಕರ್ಣ–ಹಿಂದುಳಿದ ವರ್ಗ ‘ಅ’ (ಮಹಿಳೆ), ಹೊಲನಗದ್ದೆ–ಸಾಮಾನ್ಯ, ದೇವಗಿರಿ–ಅನುಸೂಚಿತ ಜಾತಿ, ಅಣಲೇಬೈಲ್–ಸಾಮಾನ್ಯ, ಕಾನಗೋಡ–ಸಾಮಾನ್ಯ (ಮಹಿಳೆ), ದೊಡನೆ–ಸಾಮಾನ್ಯ, ಹಲಗೇರಿ–ಹಿಂದುಳಿದ ವರ್ಗ ‘ಅ’ (ಮಹಿಳೆ), ನಗರಬಸ್ತಿಕೇರಿ–ಸಾಮಾನ್ಯ (ಮಹಿಳೆ), ಚಂದಾವರ–ಸಾಮಾನ್ಯ, ಹಳದೀಪುರ–ಹಿಂದುಳಿದ ವರ್ಗ ‘ಅ’ (ಮಹಿಳೆ), ಮುಗ್ವಾ–ಹಿಂದುಳಿದ ವರ್ಗ ‘ಅ’, ಮಾವಿನಕುರ್ವಾ–ಸಾಮಾನ್ಯ, ಕಾಸರಕೋಡ–ಸಾಮಾನ್ಯ (ಮಹಿಳೆ), ಬಳಕೂರ–ಸಾಮಾನ್ಯ (ಮಹಿಳೆ), ಮಾವಳ್ಳಿ-1–ಹಿಂದುಳಿದ ವರ್ಗ ‘ಬ’, ಕಾಯ್ಕಿಣಿ–ಹಿಂದುಳಿದ ವರ್ಗ ‘ಅ’ (ಮಹಿಳೆ), ಶಿರಾಲಿ–ಸಾಮಾನ್ಯ (ಮಹಿಳೆ), ಮುಟ್ಟಳ್ಳಿ–ಅನುಸೂಚಿತ ಪಂಗಡ (ಮಹಿಳೆ), ಬೆಳಕೆ–ಅನುಸೂಚಿತ ಜಾತಿ.
ತಾಲೂಕಾ ಪಂಚಾಯತ್ ಕ್ಷೇತ್ರಗಳ ಮೀಸಲಾತಿ
ಜೋಯಿಡಾ ತಾಲೂಕು ಪಂಚಾಯತ್:
ಅಖೇತಿ–ಹಿಂದುಳಿದ ವರ್ಗ ‘ಅ’, ಕಲಂಬುಲಿ–ಸಾಮಾನ್ಯ, ರಾಮನಗರ–ಅನುಸೂಚಿತ ಜಾತಿ (ಮಹಿಳೆ), ನಾಲ್ಕನೇ ಕ್ಷೇತ್ರ–ಹಿಂದುಳಿದ ವರ್ಗ ‘ಅ’ (ಮಹಿಳೆ), ಜಗಲಬೇಟ–ಸಾಮಾನ್ಯ, ಪ್ರಧಾನಿ–ಅನುಸೂಚಿತ ಪಂಗಡ (ಮಹಿಳೆ), ಕಾತೇಲಿ–ಸಾಮಾನ್ಯ (ಮಹಿಳೆ), ಜೋಯಿಡಾ–ಸಾಮಾನ್ಯ (ಮಹಿಳೆ), ನಂದಿಗ–ಸಾಮಾನ್ಯ.
ದಾಂಡೇಲಿ ತಾಲೂಕು ಪಂಚಾಯತ್: ಚಿಟ್ನಾಳ–ಸಾಮಾನ್ಯ, ಕೇರವಾಡ–ಹಿಂದುಳಿದ ವರ್ಗ ‘ಅ’ (ಮಹಿಳೆ), ಅಂಬೇವಾಡಿ–ಅನುಸೂಚಿತ ಜಾತಿ (ಮಹಿಳೆ), ಬಡಾಕಾನಶಿರಡಾ–ಸಾಮಾನ್ಯ (ಮಹಿಳೆ), ಬೊಮ್ಮನಳ್ಳಿ–ಅನುಸೂಚಿತ ಪಂಗಡ (ಮಹಿಳೆ), ಜಮಗಾ–ಸಾಮಾನ್ಯ, ಅಮಗಾ–ಸಾಮಾನ್ಯ.
ಹಳಿಯಾಳ ತಾಲೂಕು ಪಂಚಾಯತ್: ಮಂಗಳವಾಡ–ಸಾಮಾನ್ಯ (ಮಹಿಳೆ), ಮದನಳ್ಳಿ–ಹಿಂದುಳಿದ ವರ್ಗ ‘ಅ’, ತೇರಗಾಂವ–ಅನುಸೂಚಿತ ಜಾತಿ (ಮಹಿಳೆ), ಬುಜೂರಕಂಜನಳ್ಳಿ–ಸಾಮಾನ್ಯ, ಗುಂಡೋಳ್ಳಿ–ಸಾಮಾನ್ಯ (ಮಹಿಳೆ), ತಟ್ಟಿಗೇರಿ–ಅನುಸೂಚಿತ ಪಂಗಡ (ಮಹಿಳೆ), ನಾಗಶೆಟ್ಟಿಕೊಪ್ಪ–ಸಾಮಾನ್ಯ, ಮುರ್ಕವಾಡ–ಸಾಮಾನ್ಯ, ಕಾವಲವಾಡ–ಹಿಂದುಳಿದ ವರ್ಗ ‘ಅ’ (ಮಹಿಳೆ).
ಕಾರವಾರ ತಾಲೂಕು ಪಂಚಾಯತ್: ಮಾಜಾಳಿ–ಹಿಂದುಳಿದ ವರ್ಗ ‘ಅ’, ಚಿತ್ತಾಕುಲಾ–ಹಿಂದುಳಿದ ವರ್ಗ ‘ಅ’ (ಮಹಿಳೆ), ಹಣಕೋಣ–ಸಾಮಾನ್ಯ, ಕದ್ರಾ–ಸಾಮಾನ್ಯ, ಮಲ್ಲಾಪುರ–ಅನುಸೂಚಿತ ಪಂಗಡ (ಮಹಿಳೆ), ಕಡವಾಡ–ಸಾಮಾನ್ಯ, ದೇವಳಮಕ್ಕಿ–ಸಾಮಾನ್ಯ (ಮಹಿಳೆ), ಚೆಂಡಿಯಾ–ಅನುಸೂಚಿತ ಜಾತಿ (ಮಹಿಳೆ), ಅಮದಳ್ಳಿ–ಸಾಮಾನ್ಯ (ಮಹಿಳೆ).
ಯಲ್ಲಾಪುರ ತಾಲೂಕು ಪಂಚಾಯತ್: ಆನಗೋಡ–ಹಿಂದುಳಿದ ವರ್ಗ ‘ಅ’, ಮಾವಿನಮನೆ (ಮಲವಳ್ಳಿ)–ಸಾಮಾನ್ಯ, ಇಡಗುಂದಿ–ಅನುಸೂಚಿತ ಪಂಗಡ (ಮಹಿಳೆ), ಕಣ್ಣಿಗೇರಿ–ಸಾಮಾನ್ಯ (ಮಹಿಳೆ), ಕಿರವತ್ತಿ–ಅನುಸೂಚಿತ ಜಾತಿ (ಮಹಿಳೆ), ಮದನೂರ (ಹುಣಶೆಟ್ಟಿಕೊಪ್ಪ)–ಹಿಂದುಳಿದ ವರ್ಗ ‘ಅ’ (ಮಹಿಳೆ), ಕಂಪ್ಲಿ (ಮಂಚಿಕೇರಿ)–ಸಾಮಾನ್ಯ, ಕುಂದರಗಿ–ಸಾಮಾನ್ಯ, ಶಿಗೇಮನೆ ಉಮ್ಮಚಗಿ–ಸಾಮಾನ್ಯ (ಮಹಿಳೆ).
ಮುಂಡಗೋಡ ತಾಲೂಕು ಪಂಚಾಯತ್: ಹುನಗುಂದ–ಸಾಮಾನ್ಯ, ಬಾಚಣಕಿ–ಸಾಮಾನ್ಯ, ಇಂದೂರ–ಸಾಮಾನ್ಯ, ಗುಂಜಾವತಿ–ಅನುಸೂಚಿತ ಪಂಗಡ (ಮಹಿಳೆ), ಚವಡಳ್ಳಿ–ಅನುಸೂಚಿತ ಜಾತಿ (ಮಹಿಳೆ), ಚಿಗಳ್ಳಿ–ಸಾಮಾನ್ಯ (ಮಹಿಳೆ), ಕಾತೂರ–ಸಾಮಾನ್ಯ (ಮಹಿಳೆ), ಕೋಡಂಬಿ–ಹಿಂದುಳಿದ ವರ್ಗ ‘ಅ’ (ಮಹಿಳೆ), ಪಾಳಾ–ಅನುಸೂಚಿತ ಜಾತಿ.
ಅಂಕೋಲಾ ತಾಲೂಕು ಪಂಚಾಯತ್: ಅಗಸೂರು–ಸಾಮಾನ್ಯ, ಅವರ್ಸಾ–ಸಾಮಾನ್ಯ (ಮಹಿಳೆ), ಬೆಳಂಬಾರ–ಸಾಮಾನ್ಯ (ಮಹಿಳೆ), ಬೇಲೆಕೇರಿ–ಸಾಮಾನ್ಯ, ಬೆಳಸೆ–ಸಾಮಾನ್ಯ, ಭಾವಿಕೇರಿ–ಅನುಸೂಚಿತ ಜಾತಿ (ಮಹಿಳೆ), ಹಿಲ್ಲೂರು–ಅನುಸೂಚಿತ ಪಂಗಡ (ಮಹಿಳೆ), ಸಗಡಗೇರಿ–ಹಿಂದುಳಿದ ವರ್ಗ ‘ಅ’ (ಮಹಿಳೆ), ಶೇಟಗೇರಿ–ಹಿಂದುಳಿದ ವರ್ಗ ‘ಅ’.
ಶಿರಸಿ ತಾಲೂಕು ಪಂಚಾಯತ್: ಹುಲೇಕಲ್–ಸಾಮಾನ್ಯ, ಸೋಂದಾ–ಸಾಮಾನ್ಯ (ಮಹಿಳೆ), ಬಿಸ್ಸಕೊಪ್ಪ–ಹಿಂದುಳಿದ ವರ್ಗ ‘ಬ’, ಬದನಗೋಡ–ಅನುಸೂಚಿತ ಪಂಗಡ (ಮಹಿಳೆ), ದೊಡ್ಡಳ್ಳಿ–ಸಾಮಾನ್ಯ, ಇಟಗುಳಿ–ಸಾಮಾನ್ಯ (ಮಹಿಳೆ), ಶಿವಳ್ಳಿ (ಹೆಗಡೆಕಟ್ಟಾ)–ಹಿಂದುಳಿದ ವರ್ಗ ‘ಅ’, ದೇವನಳ್ಳಿ–ಹಿಂದುಳಿದ ವರ್ಗ ‘ಅ’ (ಮಹಿಳೆ), ಜಾನ್ಮನೆ–ಸಾಮಾನ್ಯ, ಯಡಳ್ಳಿ–ಸಾಮಾನ್ಯ (ಮಹಿಳೆ), ಅಂಡಗಿ–ಸಾಮಾನ್ಯ, ಸುಗಾವಿ–ಹಿಂದುಳಿದ ವರ್ಗ ‘ಅ’ (ಮಹಿಳೆ), ಬನವಾಸಿ–ಅನುಸೂಚಿತ ಜಾತಿ (ಮಹಿಳೆ).
ಕುಮಟಾ ತಾಲೂಕು ಪಂಚಾಯತ್: ಹನೇಹಳ್ಳಿ–ಸಾಮಾನ್ಯ (ಮಹಿಳೆ), ಗೋಕರ್ಣ–ಹಿಂದುಳಿದ ವರ್ಗ ‘ಅ’ (ಮಹಿಳೆ), ಹಿರೇಗುತ್ತಿ–ಸಾಮಾನ್ಯ, ಮಿರ್ಜಾನ–ಸಾಮಾನ್ಯ, ಕೋಡ್ಕಣಿ–ಅನುಸೂಚಿತ ಪಂಗಡ (ಮಹಿಳೆ), ಅಳಕೋಡ–ಹಿಂದುಳಿದ ವರ್ಗ ‘ಅ’, ಹೆಗಡೆ–ಅನುಸೂಚಿತ ಜಾತಿ (ಮಹಿಳೆ), ಎಂಟನೇ ಕ್ಷೇತ್ರ–ಹಿಂದುಳಿದ ವರ್ಗ ‘ಅ’ (ಮಹಿಳೆ), ಬಾಡ–ಸಾಮಾನ್ಯ, ದೇವಗಿರಿ–ಸಾಮಾನ್ಯ (ಮಹಿಳೆ), ವಾಲಗಳ್ಳಿ–ಸಾಮಾನ್ಯ (ಮಹಿಳೆ), ಮೂರೂರು–ಸಾಮಾನ್ಯ, ಸಂತೆಗುಳಿ–ಹಿಂದುಳಿದ ವರ್ಗ ‘ಬ’.
ಸಿದ್ದಾಪುರ ತಾಲೂಕು ಪಂಚಾಯತ್: ಹೆಗ್ಗರಣಿ–ಅನುಸೂಚಿತ ಪಂಗಡ (ಮಹಿಳೆ), ಹಸರಗೋಡ–ಹಿಂದುಳಿದ ವರ್ಗ ‘ಅ’ (ಮಹಿಳೆ), ಹಾರ್ಸಿಕಟ್ಟಾ–ಸಾಮಾನ್ಯ, ಕಾನಗೋಡ–ಸಾಮಾನ್ಯ, ಕೋಲಸಿರ್ಸಿ–ಸಾಮಾನ್ಯ (ಮಹಿಳೆ), ಇಟಗಿ–ಸಾಮಾನ್ಯ, ಕ್ಯಾದಗಿ–ಅನುಸೂಚಿತ ಜಾತಿ (ಮಹಿಳೆ), ಹಲಗೇರಿ–ಸಾಮಾನ್ಯ (ಮಹಿಳೆ), ಮನಮನೆ–ಹಿಂದುಳಿದ ವರ್ಗ ‘ಅ’.
ಹೊನ್ನಾವರ ತಾಲೂಕು ಪಂಚಾಯತ್: ಕಡತೋಕಾ–ಹಿಂದುಳಿದ ವರ್ಗ ‘ಅ’ (ಮಹಿಳೆ), ಕಡ್ಲೆ–ಹಿಂದುಳಿದ ವರ್ಗ ‘ಅ’, ಮೂರನೇ ಕ್ಷೇತ್ರ–ಸಾಮಾನ್ಯ (ಮಹಿಳೆ), ಹಡಿನಬಾಳ–ಸಾಮಾನ್ಯ, ಹಳದೀಪುರ–ಅನುಸೂಚಿತ ಪಂಗಡ (ಮಹಿಳೆ), ಆರನೇ ಕ್ಷೇತ್ರ–ಅನುಸೂಚಿತ ಜಾತಿ (ಮಹಿಳೆ), ಮಾವಿನಕುರ್ವಾ–ಹಿಂದುಳಿದ ವರ್ಗ ‘ಬ’, ಹೆರಂಗಡಿ–ಸಾಮಾನ್ಯ, ಕಾಸರಕೋಡ–ಸಾಮಾನ್ಯ, ಬಳಕೂರ–ಸಾಮಾನ್ಯ (ಮಹಿಳೆ), ನಗರಬಸ್ತಿಕೇರಿ–ಸಾಮಾನ್ಯ (ಮಹಿಳೆ), ಕೆಳಗಿನೂರು–ಸಾಮಾನ್ಯ, ಕೊಡಾಣಿ–ಹಿಂದುಳಿದ ವರ್ಗ ‘ಅ’ (ಮಹಿಳೆ).
ಭಟ್ಕಳ ತಾಲೂಕು ಪಂಚಾಯತ್: ಬೈಲೂರು–ಹಿಂದುಳಿದ ವರ್ಗ ‘ಅ’, ಮಾವಳ್ಳಿ-1–ಸಾಮಾನ್ಯ (ಮಹಿಳೆ), ಮಾವಳ್ಳಿ-2–ಅನುಸೂಚಿತ ಪಂಗಡ (ಮಹಿಳೆ), ಕಾಯ್ಕಿಣಿ–ಹಿಂದುಳಿದ ವರ್ಗ ‘ಅ’ (ಮಹಿಳೆ), ಬೇಂದ್ರೆ–ಸಾಮಾನ್ಯ (ಮಹಿಳೆ), ಶಿರಾಲಿ–ಸಾಮಾನ್ಯ, ಮುಟ್ಟಳ್ಳಿ–ಸಾಮಾನ್ಯ, ಮಾರುಕೇರಿ–ಸಾಮಾನ್ಯ, ಬೆಳಕೆ–ಅನುಸೂಚಿತ ಜಾತಿ (ಮಹಿಳೆ).
ಆಕ್ಷೇಪಣೆ ಸಲ್ಲಿಸಲು ಅ.19 ಕೊನೆಯ ದಿನ
ಮೀಸಲಾತಿ ಕುರಿತು ಈ ಹಿಂದೆ ಹೊರಡಿಸಲಾಗಿದ್ದ ಪೂರ್ವಾನ್ವಯ ಅಧಿಸೂಚನೆಗಳನ್ನು ರದ್ದುಗೊಳಿಸಿ ಹೊಸದಾಗಿ ಮೀಸಲಾತಿ ನಿಗದಿಪಡಿಸಲಾಗಿದೆ. ಪ್ರಕಟಿಸಿರುವ ಕರಡು ಮೀಸಲಾತಿಗೆ ಸಂಬಂಧಿಸಿದಂತೆ ಸಾರ್ವಜನಿಕರು ಅಥವಾ ಸಂಬಂಧಪಟ್ಟವರು ಆಕ್ಷೇಪಣೆಗಳನ್ನು ಸಲ್ಲಿಸಬಹುದಾಗಿದೆ.
ಆಕ್ಷೇಪಣೆ ಸಲ್ಲಿಸಲು ಅಕ್ಟೋಬರ್ 19ರ ಸಂಜೆ 5 ಗಂಟೆಯವರೆಗೆ ಅವಕಾಶವಿದೆ. ಆಕ್ಷೇಪಣೆಗಳನ್ನು ಅಗತ್ಯ ಪೂರಕ ದಾಖಲೆಗಳೊಂದಿಗೆ ಖುದ್ದಾಗಿ ಅಥವಾ ಅಂಚೆ ಮೂಲಕ ಸರ್ಕಾರದ ಕಾರ್ಯದರ್ಶಿ (ಪಂಚಾಯತ್ ರಾಜ್), ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್ ರಾಜ್ ಇಲಾಖೆ, ಮೂರನೇ ಹಂತ, ಮೂರನೇ ಮಹಡಿ, ಬಹುಮಹಡಿಗಳ ಕಟ್ಟಡ, ಡಾ. ಬಿ.ಆರ್. ಅಂಬೇಡ್ಕರ್ ವೀಧಿ, ಬೆಂಗಳೂರು–560001 ವಿಳಾಸಕ್ಕೆ ಸಲ್ಲಿಸಬೇಕು.
ನಿಗದಿತ ದಿನಾಂಕದ ನಂತರ ಸ್ವೀಕೃತವಾಗುವ ಅಥವಾ ಅಂಚೆ ವಿಳಂಬದಿಂದ ತಡವಾಗಿ ತಲುಪುವ ಆಕ್ಷೇಪಣೆಗಳನ್ನು ಪರಿಗಣಿಸಲಾಗುವುದಿಲ್ಲ ಎಂದು ಇಲಾಖೆ ಸ್ಪಷ್ಟಪಡಿಸಿದೆ.
ಮೀಸಲಾತಿ ಅಂತಿಮಗೊಂಡು ಚುನಾವಣಾ ಪ್ರಕ್ರಿಯೆ ಮುಂದುವರಿದರೆ ಜಿಲ್ಲೆಯ ಗ್ರಾಮೀಣ ರಾಜಕೀಯದಲ್ಲಿ ಹೊಸ ಸಮೀಕರಣಗಳು ರೂಪುಗೊಳ್ಳುವ ಸಾಧ್ಯತೆ ಇದೆ. ಯಾವ ಕ್ಷೇತ್ರದಲ್ಲಿ ಯಾವ ಪಕ್ಷದ ಅಭ್ಯರ್ಥಿಗೆ ಅವಕಾಶ ಸಿಗಲಿದೆ, ಹೊಸ ಮುಖಗಳಿಗೆ ಮಣೆ ಹಾಕಲಾಗುತ್ತದೆಯೇ ಅಥವಾ ಹಳೆಯ ರಾಜಕೀಯ ಮುಖಂಡರೇ ಮತ್ತೆ ಕಣಕ್ಕಿಳಿಯಲಿದ್ದಾರೆಯೇ ಎಂಬ ಚರ್ಚೆಗಳು ಮುಂದಿನ ದಿನಗಳಲ್ಲಿ ಗರಿಗೆದರಬಹುದು. ಹಲವು ವರ್ಷಗಳಿಂದ ಚುನಾಯಿತ ಪ್ರತಿನಿಧಿಗಳ ಆಯ್ಕೆಗೆ ಕಾಯುತ್ತಿರುವ ಗ್ರಾಮೀಣ ಜನತೆಗೆ ಸ್ಥಳೀಯ ಸಂಸ್ಥೆಗಳ ಚುನಾವಣೆ ಯಾವಾಗ ನಡೆಯಲಿದೆ ಎಂಬುದೇ ಈಗಿನ ಪ್ರಮುಖ ನಿರೀಕ್ಷೆಯಾಗಿದೆ.
