ಸುದ್ದಿಬಿಂದು ಬ್ಯೂರೋ ವರದಿ
ಕಾರವಾರ : ತಾಲೂಕಿನ ಹಳಗಾದಲ್ಲಿ ಸತತ 24ಗಂಟೆಗಳ ಕಾಲ ವಿದ್ಯುತ್ ಇಲ್ಲದೆ ಜನ ಪರದಾಟ ನಡೆಸಿದ ಘಟನೆ ನಡೆದಿದ್ದು ಆಕ್ರೋಶಿತರಾದ ಗ್ರಾಮಸ್ಥರು ಗ್ರಾ.ಪಂ ಮುತ್ತಿಗೆ ಹಾಕಿ ಪ್ರತಿಭಟನೆ ನಡೆಸಿದ್ದಾರೆ.
ಕಳೆದ ಒಂದು ದಿನದ ಹಿಂದೆ ಭಾರೀ ಗಾಳಿ ಸಹಿತ ಸುರಿದ ಮಳೆಗೆ ಒಂದು ದಿನ ವಿದ್ಯುತ್ ಇಲ್ಲದೆ ಜನ ಪರದಾಡಿದ್ದಾರೆ.ಹಳಗಾ ಗ್ರಾಮಕ್ಕೆ ಈ ಹಿಂದಿನಿಂದ ಹಣಕೋಣ ಗ್ರಾಮದ ಗ್ರಿಡ್ ನಿಂದ ವಿದ್ಯುತ್ ಸರಬರಾಜು ಮಾಡಲಾಗುತ್ತಿತ್ತು ಈಗ ಏಕಾಏಕಿ ಕದ್ರಾ ಗ್ರಿಡ್ ನಿಂದ ವಿದ್ಯುತ್ ಸರಬರಾಜು ಮಾಡಲಾಗಿದ್ದು ಇಲ್ಲಿ ಅರಣ್ಯ ಪ್ರದೇಶದಿಂದ ವಿದ್ಯುತ್ ತಂತಿ ಹಾದು ಹೋಗಿದ್ರಿಂದ ಮರ, ಕಂಬ ಮುರಿದು ಬಿದ್ದು ವಿದ್ಯುತ್ ಇಲ್ಲದೆ ಪರದಾಡಿದ್ದಾರೆ.
ಬಳಿಕ ನಿರ್ವಹಣೆ ಮಾಡಲು ಒಂದು ದಿನ ತೆಗೆದುಕೊಂಡಿದ್ದು ಒಂದು ದಿನದ ಬಳಿಕ ವಿದ್ಯುತ್ ನೀಡಲಾಗಿದೆ..ಆಕ್ರೋಶಿತರಾದ ಜನರು ಪ್ರಮುಖರಾದ ಕುಮಾರ್ ನಾಯ್ಕ್ ನೇತೃತ್ವದಲ್ಲಿ ಸ್ಥಳೀಯ ಗ್ರಾ.ಪಂ ಗೆ ಮುತ್ತಿಗೆ ಹಾಕಿ ಪ್ರತಿಭಟನೆ ಮಾಡಿ ಪಿಡಿಒ ಗೆ ಮನವಿ ನೀಡಿದ್ದಾರೆ…ಈ ಹಿಂದೆ ವಿದ್ಯುತ್ ಸರಬರಾಜು ಹೇಗಿತ್ತೊ ಹಾಗೆ ಮುಂದುವರಿಸಲು ತಿಳಿಸಿದ್ದು ಒಂದಾನು ವೇಳೆ ತಪ್ಪಿದ್ದಲ್ಲಿ ಗ್ರಾ.ಪಂ ಎದುರು ಪ್ರತಿಭಟನೆ ಮಾಡುವ ಎಚ್ಚರಿಕೆ ನೀಡಿದ್ದಾರೆ.
