ಸುದ್ದಿಬಿಂದು ಬ್ಯೂರೋ ವರದಿ

ಕುಮಟಾ: ರಾಷ್ಟ್ರೀಯ ಹೆದ್ದಾರಿ 66ರ ಕುಮಟಾ ಸಮೀಪದ ಅಳ್ವೇಕೋಡಿ ಬಳಿ ಜಾನುವಾರು ಅಡ್ಡಬಂದಿದ್ದನ್ನು ತಪ್ಪಿಸಲು ಹೋಗಿ ಬೈಕ್ ಪಲ್ಟಿಯಾದ ಪರಿಣಾಮ, ಬೈಕ್ ಹಿಂಬದಿಯಲ್ಲಿ ಕುಳಿತಿದ್ದ ಮಹಿಳೆಯೊಬ್ಬರು ಸ್ಥಳದಲ್ಲೇ ಮೃತಪಟ್ಟಿರುವ ದುರ್ಘಟನೆ ಸಂಭವಿಸಿದೆ.

ಮೃತ ಮಹಿಳೆ ಬೈದೂರು ಸಮೀಪದ ಮೈಲಾಡಿ ಗ್ರಾಮದ ಮಾಲತಿ (45) ಎಂದು ಗುರುತಿಸಲಾಗಿದೆ. ಮಾಲತಿ ಹಾಗೂ ಅವರ ಪತಿ ಈರಪ್ಪ ದಂಪತಿ ಬೈದೂರಿನಿಂದ ಶಿರಸಿಯಲ್ಲಿರುವ ಸಂಬಂಧಿಕರ ಮನೆಗೆ ಸತ್ಯನಾರಾಯಣ ಪೂಜೆಗಾಗಿ ಬೈಕ್‌ನಲ್ಲಿ ತೆರಳುತ್ತಿದ್ದರು. ಈ ವೇಳೆ ಕುಮಟಾ ಸಮೀಪದ ಅಳ್ವೇಕೋಡಿ ಬಳಿ, ಮೀನು ಮಾರುಕಟ್ಟೆಗೆ ತೆರಳುವ ಕ್ರಾಸ್‌ನ ಸಮೀಪ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಜಾನುವಾರು ಬೈಕ್‌ ಗೆ ಅಡ್ಡಬಂದಿದೆ. ಜಾನುವಾರನ್ನು ತಪ್ಪಿಸಲು ಬೈಕ್‌ ಸವಾರ ಈರಪ್ಪ  ವೇಳೆ ನಿಯಂತ್ರಣ ತಪ್ಪಿ ಬೈಕ್ ಪಲ್ಟಿಯಾಗಿದೆ ಎನ್ನಲಾಗಿದೆ. ಪರಿಣಾಮ, ಬೈಕ್ ಹಿಂಬದಿಯಲ್ಲಿ ಕುಳಿತಿದ್ದ ಮಾಲತಿ ಅವರ ತಲೆಗೆ ಗಂಭೀರ ಗಾಯವಾಗಿದ್ದು, ಅವರು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ.

ಅಪಘಾತದ ಸುದ್ದಿ ತಿಳಿದ ಕುಮಟಾ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಈ ಕುರಿತು ಕುಮಟಾ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

 ಇದನ್ನೂ ಓದಿ/ ಕಾಂಗ್ರೆಸ್ ಮುಖಂಡ ವಾಮನ್ ನಾಯ್ಕ್ ಮಂಕಿ ನಿಧನ