ಸುದ್ದಿಬಿಂದು ಬ್ಯೂರೋ ವರದಿ
ಕಾರವಾರ: ಗುರುಪ್ರಸಾದ ನಾಯ್ಕ ಅವರ ತಾಯಿ ಅನಸೂಯಾ ಗಜಾನನ ನಾಯ್ಕ ಅವರ ನಿಧನಕ್ಕೆ ಮಾಜಿ ಶಾಸಕಿ ಹಾಗೂ ರಾಜ್ಯ ಬಿಜೆಪಿ ಉಪಾಧ್ಯಕ್ಷರಾಗಿರುವ ರೂಪಾಲಿ ನಾಯ್ಕ ಅವರು ತೀವ್ರ ಸಂತಾಪ ವ್ಯಕ್ತಪಡಿಸಿದ್ದಾರೆ.
ಅನಸೂಯಾ ಗಜಾನನ ನಾಯ್ಕ ಅವರು ರೂಪಾಲಿ ನಾಯ್ಕ ಅವರ ಆಪ್ತ ಕಾರ್ಯದರ್ಶಿಯಾಗಿರುವ ಗುರುಪ್ರಸಾದ ನಾಯ್ಕ ಅವರ ಮಾತೋಶ್ರೀಯವರಾಗಿದ್ದು, ಅನಸೂಯಾ ಗಜಾನನ ನಾಯ್ಕ ಅವರ ನಿಧನ ಅತ್ಯಂತ ನೋವಿನ ಸಂಗತಿಯಾಗಿದೆ. ತಾಯಿಯ ಮಮತೆಯನ್ನು ನೀಡಿ, ಹೃದಯತುಂಬಿ ಆಶೀರ್ವದಿಸುತ್ತಿದ್ದ ಅವರ ಅಗಲಿಕೆಯಿಂದ ವೈಯಕ್ತಿಕವಾಗಿ ನನಗೆ ತೀವ್ರ ನೋವುಂಟಾಗಿದೆ ಎಂದು ರೂಪಾಲಿ ನಾಯ್ಕ ಸಂತಾಪ ಸೂಚಿಸಿದ್ದಾರೆ.
ಮೃತರು ಪತಿ ಹಾಗೂ ಮೂವರು ಪುತ್ರರು ಸೇರಿದಂತೆ ಅಪಾರ ಬಂಧು-ಬಳಗವನ್ನು ಅಗಲಿದ್ದಾರೆ. ಅವರ ಆತ್ಮಕ್ಕೆ ಚಿರಶಾಂತಿ ದೊರೆಯಲಿ. ದುಃಖತಪ್ತ ಕುಟುಂಬದ ನೋವಿನಲ್ಲಿ ನಾನೂ ಭಾಗಿಯಾಗಿದ್ದು, ಈ ದುಃಖವನ್ನು ಭರಿಸುವ ಶಕ್ತಿಯನ್ನು ಕುಟುಂಬದವರಿಗೆ ಭಗವಂತ ಕರುಣಿಸಲಿ ಎಂದು ಪ್ರಾರ್ಥಿಸುವುದಾಗಿ ರೂಪಾಲಿ ನಾಯ್ಕ ಪ್ರಾರ್ಥಿಸಿದ್ದಾರೆ.
ಇದನ್ನೂ ಓದಿ/ಕುಮಟಾ ಅಳ್ವೇಕೋಡಿ ಬಳಿ ಹೆದ್ದಾರಿ ದುರಂತ; ಶಿರಸಿಗೆ ಹೊರಟ ಬೈದೂರಿನ ಮಹಿಳೆ ಸಾವು

