ಸುದ್ದಿಬಿಂದು ಬ್ಯೂರೋ ವರದಿ
ಚಿತ್ರದುರ್ಗ: ಸಿನಿಮಾ ಪ್ರಮೋಷನ್‌ ಕಾರ್ಯಕ್ರಕ್ಕಾಗಿ ಚಿತ್ರದುರ್ಗಕ್ಕೆ ಆಗಮಿಸಿದ್ದ ನಟ ಶಿವರಾಜ್‌ಕುಮಾರ್‌ ಅವರಿಗೆ ಸ್ವಾಗತ ಕೋರುವ ಸಂದರ್ಭದಲ್ಲಿ ಅನಿರೀಕ್ಷಿತ ಘಟನೆ ನಡೆದಿದ್ದು, ಕೆಲಕಾಲ ಆತಂಕದ ವಾತಾವರಣ ನಿರ್ಮಾಣವಾಯಿತು.
ನಗರದ ಆರ್‌ಟಿಓ ಕಚೇರಿ ರಸ್ತೆಯಲ್ಲಿರುವ ಅಹೋಬಲ ಟಿವಿಎಸ್‌ ಶೋ ರೂಂಗೆ ಶಿವರಾಜ್‌ಕುಮಾರ್‌ ಭೇಟಿ ನೀಡಿದ್ದ ವೇಳೆ ಈ ಘಟನೆ ಸಂಭವಿಸಿದೆ. ಶಿವರಾಜ್ ಕುಮಾರ ಅವರನ್ನ ಬರಮಾಡಿಕೊಳ್ಳಲು ಆಯೋಜಕರು ಫ್ಲ್ಯಾಶ್‌ ಬ್ಲಾಸ್ಟ್‌ ಸಿಡಿಸಿದ್ದು, ಅದು ನಿರೀಕ್ಷಿತ ರೀತಿಯಲ್ಲಿ ಸಿಡಿಯದೆ ಶಿವಣ್ಣ ಅವರ ಮುಖದ ಸಮೀಪದಲ್ಲೇ ಸ್ಫೋಟಗೊಂಡಿದೆ.
ಹಠಾತ್‌ ಸ್ಫೋಟದಿಂದ ಸ್ಥಳದಲ್ಲಿದ್ದವರು ಕೆಲ ಕ್ಷಣ ಗಾಬರಿಗೊಂಡರು. ಕೂಡಲೇ ಶಿವರಾಜ್‌ಕುಮಾರ್‌ ಅವರ ಭದ್ರತಾ ಸಿಬ್ಬಂದಿ ಎಚ್ಚೆತ್ತುಕೊಂಡು ಅವರನ್ನು ಅಲ್ಲಿಂದ ಸುರಕ್ಷಿತವಾಗಿ ಕರೆದೊಯ್ದಿದ್ದಾರೆ. ಘಟನೆಯಲ್ಲಿ ಯಾವುದೇ ಗಂಭೀರ ಹಾನಿ ಸಂಭವಿಸಿಲ್ಲ. ಶಿವರಾಜ್‌ಕುಮಾರ್‌ ಅಪಾಯದಿಂದ ಪಾರಾಗಿದ್ದಾರೆ ಎಂದು ತಿಳಿದುಬಂದಿದೆ. ಈ ಘಟನೆಯ ವಿಡಿಯೋ ದೃಶ್ಯಗಳು ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗುತ್ತಿವೆ.
ಇದನ್ನೂ ಓದಿ/ ಕುಮಟಾದ ರೆಡಿ ಅಭ್ಯರ್ಥಿ ಲೋಕಲ್ ರಾಜಕಾರಣಿ ಅಲ್ವಂತೆ.! ಆದರೆ ಮತದಾರ ಲೋಕಲ್ ಅಲ್ಲವೇ?
