ಆಕಾಶದಲ್ಲಿ ನಡೆಯುವ ಅದ್ಭುತಗಳನ್ನು ನೋಡಲು ನಿಮಗೆ ಆಸಕ್ತಿ ಇದೆಯಾ? ಹಾಗಿದ್ದರೆ ಒಂದು ಖುಷಿಯ ಸುದ್ದಿ! ಫೆಬ್ರವರಿ 17, 2026ರಂದು ಅಪರೂಪದ ಕಂಕಣ ಸೂರ್ಯಗ್ರಹಣ ಸಂಭವಿಸಲಿದೆ. ಈ ವೇಳೆ ಚಂದ್ರನು ಸೂರ್ಯನ ಮಧ್ಯಭಾಗವನ್ನು ಮಾತ್ರ ಮುಚ್ಚುವುದರಿಂದ, ಸೂರ್ಯನು ಚಿನ್ನದ ಉಂಗುರದಂತೆ – ಜನಪ್ರಿಯವಾಗಿ “ಬೆಂಕಿಯ ಉಂಗುರ” (Ring of Fire) ರೂಪದಲ್ಲಿ ಕಾಣಿಸಿಕೊಳ್ಳುತ್ತದೆ.
ಇದು 2026ರಲ್ಲಿ ನಡೆಯುವ ಮೊದಲ ಸೂರ್ಯಗ್ರಹಣ.
ಗ್ರಹಣದ ಸಮಯ (ಭಾರತೀಯ ಕಾಲಮಾನ)
ಈ ಖಗೋಳ ಘಟನೆ ಸುಮಾರು 4 ಗಂಟೆ 32 ನಿಮಿಷಗಳ ಕಾಲ ನಡೆಯಲಿದೆ.
ಆರಂಭ: ಮಧ್ಯಾಹ್ನ 3:26
ಗರಿಷ್ಠ ಹಂತ (Ring of Fire): ಸಂಜೆ 5:42ರ ಸುಮಾರಿಗೆ (ಸುಮಾರು 2 ನಿಮಿಷ 20 ಸೆಕೆಂಡ್)
ಮುಕ್ತಾಯ: ಸಂಜೆ 7:57
ಭಾರತದಲ್ಲಿ ಕಾಣುತ್ತಾ? ಸೂತಕ ಅನ್ವಯವಾಗುತ್ತದಾ?
ಇದು ಬಹಳ ಜನರಿಗೆ ಕಾಡುವ ಪ್ರಶ್ನೆ.
ಗೋಚರತೆ: ಈ ಕಂಕಣ ಸೂರ್ಯಗ್ರಹಣ ಭಾರತದಲ್ಲಿ ಅಥವಾ ಏಷ್ಯಾದ ಹೆಚ್ಚಿನ ಭಾಗಗಳಲ್ಲಿ ಕಾಣಿಸುವುದಿಲ್ಲ. ಇದು ಮುಖ್ಯವಾಗಿ ಅಮೆರಿಕಾ ಹಾಗೂ ಇನ್ನಿತರ ಕೆಲವು ಪ್ರದೇಶಗಳಲ್ಲಿ ಮಾತ್ರ ಗೋಚರವಾಗಲಿದೆ.
ಸೂತಕ ನಿಯಮಗಳು: ಶಾಸ್ತ್ರ ಮತ್ತು ಪಂಚಾಂಗಗಳ ಪ್ರಕಾರ, ಗ್ರಹಣ ನಮ್ಮ ಪ್ರದೇಶದಲ್ಲಿ ನೇರವಾಗಿ ಗೋಚರಿಸಿದರೆ ಮಾತ್ರ ಸೂತಕ ಅನ್ವಯಿಸುತ್ತದೆ. ಈ ಗ್ರಹಣ ಭಾರತದಲ್ಲಿ ಕಾಣಿಸದಿರುವುದರಿಂದ ಸೂತಕ ಇಲ್ಲ, ದೇವಸ್ಥಾನಗಳನ್ನು ಮುಚ್ಚುವ ಅಗತ್ಯವೂ ಇಲ್ಲ, ವಿಶೇಷ ಧಾರ್ಮಿಕ ನಿಯಮಗಳನ್ನು ಪಾಲಿಸಬೇಕಾಗಿಲ್ಲ ಎಂದು ಪಂಡಿತರು ತಿಳಿಸುತ್ತಾರೆ.
ಇದನ್ನೂ ಓದಿ/ನಾಳೆ KSRTC ಬಸ್ ಸಂಚಾರದಲ್ಲಿ ವ್ಯತ್ಯಯ : ಪ್ರಯಾಣಿಕರಿಗೆ ಎದುರಾಗಲಿದೆ ಸಂಕಷ್ಟ
