ಸುದ್ದಿಬಿಂದು ಬ್ಯೂರೋ ವರದಿ
ಕುಮಟಾ : ವಿಧಾನಸಭಾ ಚುನಾವಣೆಗೆ ಬೇಕಾದಷ್ಟು ಸಮಯವಿದ್ದರೂ ಕುಮಟಾ ವಿಧಾನಸಭಾ ಕ್ಷೇತ್ರದಲ್ಲಿ ರಾಜಕೀಯ ಚಟುವಟಿಕೆಗಳು (Political Activities) ಈಗಾಗಲೇ ಗರಿಗೆದರತೊಡಗಿವೆ. ಈ ಕ್ಷೇತ್ರದ ಮೇಲೆ ಕಣ್ಣಿಟ್ಟು ಬೆಂಗಳೂರು ಭಾಗದಿಂದ ಬಂದವರೊಬ್ಬರು ಕ್ಷೇತ್ರದ ಮತದಾರರಿಗೆ ತಮ್ಮ ಪರಿಚಯ ಎಷ್ಟಿದೆ ಎಂಬುದನ್ನು ತಿಳಿಯದೆಯೇ ರಾಜ್ಯ ನಾಯಕರ ಹೆಸರನ್ನು ಮುಂದಿಟ್ಟುಕೊಂಡು, ಮುಂದಿನ ಚುನಾವಣೆಯಲ್ಲಿ ತಾವೇ ಕಾಂಗ್ರೆಸ್ ಅಭ್ಯರ್ಥಿ (Congress Candidate) ಎಂದು ಹೇಳಿಕೊಂಡು ಓಡಾಡುತ್ತಿದ್ದಾರೆ. ಇದನ್ನು ಗಮನಿಸಿರುವ ಸ್ಥಳೀಯರು, ಅಭ್ಯರ್ಥಿ ತಾನು “ರೆಡಿ” (Ready) ಎಂದು ಘೋಷಿಸಿದರೆ ಸಾಕೇ? ಕಾರ್ಯಕರ್ತರು ರೆಡಿಯಾಗಬೇಕಲ್ಲವೇ? ಎಂದು ಪ್ರಶ್ನಿಸುತ್ತಿದ್ದಾರೆ.
ಮುಖ್ಯಮಂತ್ರಿ ಡಿ. ಕೆ. ಶಿವಕುಮಾರ್ ಸೇರಿದಂತೆ ಕೆಲ ರಾಜ್ಯ ನಾಯಕರು ತಮ್ಮ ಕೈಯಲ್ಲೇ ಇದ್ದಾರೆ ಎಂದು ಹೇಳುತ್ತಾ, ಅವರು ಈಗಾಗಲೇ ತಮಗೆ ಟಿಕೆಟ್ ನೀಡುವ ಭರವಸೆ ನೀಡಿದ್ದಾರೆ ಎಂದು ಹೇಳಿಕೊಂಡು ಓಡಾಡುತ್ತಿದ್ದಾರೆ. ಅವರು ಹೇಳುವುದು ಹೇಗೆ ಅಂದರೆ ಬೆಂಗಳೂರಿನಿಂದ ಕುಮಟಾಕ್ಕೆ ಬರುವ ಬಸ್ ಟಿಕೆಟ್ ಸಿಗದಿದ್ದರೂ, ಪಕ್ಷದ ಟಿಕೆಟ್ (Party Ticket) ಮಾತ್ರ ಈ ಬಾರಿ ತಮಗೆ ಎಂದು ಬ್ಯಾಗ್ ಒಳಗೆ ಪಕ್ಷದ “ಬಿ ಫಾರ್ಮ್” (B Form) ಇಟ್ಟುಕೊಂಡಿರುವ ರೀತಿಯಲ್ಲಿ ಬಿಲ್ಡಪ್ (Build-up) ಕೊಡುತ್ತಿದ್ದಾರೆ.
ಇವರಿಗೆ ಸೂಕ್ಷ್ಮ” ಸ್ಥಳವಾದ ಕುಮಟಾ ಕ್ಷೇತ್ರದ ಕಾಂಗ್ರೆಸ್ ಕಾರ್ಯಕರ್ತರು (Congress Workers) ಯಾರು ಎಂಬುದೇ ಸರಿಯಾಗಿ ಗೊತ್ತಿಲ್ಲ. ಕಾರ್ಯಕರ್ತರ ಬೆಂಬಲ ಇಲ್ಲದೆ ಇರುವ ಇವರಿಗೆ ಪಕ್ಷ ಟಿಕೆಟ್ ಕೊಡಲು ನಮ್ಮ ಪಕ್ಷದ ನಾಯಕರೇನು ಕಡ್ಲೆ ಕಾಯಿ ತಿನ್ನತ್ತಿಲ್ಲ ಎಂದು ಕೆಲವರು ವ್ಯಂಗ್ಯ ಮಾಡುತ್ತಿದ್ದಾರೆ. ಮುಂದಿನ ಚುನಾವಣೆಗೆ ಇವರೇ ನಿಮ್ಮ ಪಕ್ಷದ ಅಭ್ಯರ್ಥಿಯಂತೆ, ಇದು ನಿಜವೇ?” ಎಂದು ಕಾರ್ಯಕರ್ತರನ್ನು ಕೇಳಿದರೆ “ಅವರು ಆಗಾಗ ಬೆಂಗಳೂರಿನಿಂದ ಕುಮಟಾ ಕಡೆ ಬರುತ್ತಿರುತ್ತಾರೆ, ಆಧಾರ್ ಕಾರ್ಡ್ ಇದೆ. ಅದಕ್ಕೆ ಬಸ್ ಟಿಕೆಟ್ ಫ್ರೀ (Free). ಆದರೆ ಕುಮಟಾ ಕ್ಷೇತ್ರದ ಟಿಕೆಟ್ ಇವರಿಗೆ ಫ್ರೀ ಇಲ್ಲ” ಎಂದು ವ್ಯಂಗ್ಯ ಮಾಡುತ್ತಿದ್ದಾರೆ.
ಈಗಾಗಲೇ ರಾಜ್ಯ ನಾಯಕರು ತಮಗೆ ಟಿಕೆಟ್ ನೀಡುವುದಾಗಿ ಭರವಸೆ ನೀಡಿ “ಸೂಕ್ಷ್ಮ” ಸ್ಥಳವಾದ ಕುಮಟಾ ಕ್ಷೇತ್ರಕ್ಕೆ ತಮ್ಮನ್ನು ಕಳುಹಿಸಿದ್ದಾರೆ ಎಂದು ಅಭ್ಯರ್ಥಿಯೊಬ್ಬರು ಹೋದ ಕಡೆಯಲ್ಲೆಲ್ಲಾ ಹೇಳಿಕೊಂಡು ಓಡಾಡುತ್ತಿರುವ ಕುರಿತು ಕ್ಷೇತ್ರದ ಹಿರಿಯ ನಾಯಕರೊಬ್ಬರು ದಾಖಲೆ ಸಹಿತ ಪಕ್ಷದ ಹೈಕಮಾಂಡ್ (High Command) ಗಮನಕ್ಕೂ ತಂದಿದ್ದಾರೆ. ಈ ಬೆಳವಣಿಗೆ ರಾಜ್ಯ ನಾಯಕರ ಅಸಮಾಧಾನಕ್ಕೂ ಕಾರಣವಾಗಿದೆ ಎನ್ನಲಾಗಿದೆ.
ಕಳೆದ ಚುನಾವಣೆಯ ಪೂರ್ವದಲ್ಲಿ “ಫ್ರೀ ಟಿಕೆಟ್” (Free Ticket) ಘೋಷಣೆ ಮಾಡಿ ಅದನ್ನು ಅನುಷ್ಠಾನಕ್ಕೆ ತಂದು ಸಾಕಾಗಿದೆ. ಹೀಗಿರುವಾಗ ಚುನಾವಣೆಗೆ ವರ್ಷಗಟ್ಟಲೆ ಬಾಕಿ ಇರುವಾಗ ಕುಮಟಾ ಕ್ಷೇತ್ರದ ಎಂ.ಎಲ್.ಎ. ಟಿಕೆಟ್ (MLA Ticket) ಘೋಷಿಸಲು ಹೇಗೆ ಸಾಧ್ಯ ಎಂದು ರಾಜ್ಯ ಕಾಂಗ್ರೆಸ್ ನಾಯಕರೊಬ್ಬರು ಹೇಳಿದ್ದಾರೆನ್ನಲಾಗಿದೆ.
ಹಾಗೇನಾದರೂ ಹೇಳಿಕೊಂಡು ಓಡಾಡಿದರೆ ಅದು ಅವರ ಸ್ವಯಂ ಘೋಷಣೆ (Self Declaration) ಅಷ್ಟೆ ಅಂದಿದ್ದಾರಂತೆ!
“ಯಾರಿಗೆ ಟಿಕೆಟ್ ನೀಡಬೇಕು, ಯಾರಿಗೆ ನೀಡಬಾರದು ಎಂಬುದನ್ನು ಚುನಾವಣಾ ಸಂದರ್ಭದಲ್ಲಿ ಪಕ್ಷವೇ ತೀರ್ಮಾನಿಸುತ್ತದೆ. ಹೀಗಾಗಿ ಈಗಲೇ ಯಾರೂ ತಲೆಕೆಡಿಸಿಕೊಳ್ಳಬಾರದು ಎಂದು ರಾಜ್ಯ ನಾಯಕರು ಕಾರ್ಯಕರ್ತರಿಗೆ ತಿಳಿಸಿದ್ದಾರಂತೆ!
ಅಭ್ಯರ್ಥಿ ರೆಡಿ (Ready) ಅಂದ ಮಾತ್ರಕ್ಕೆ ಕುಮಟಾ ಕ್ಷೇತ್ರದಲ್ಲಿ ಹಣದ ಬಲ ಮಾತ್ರ ಸಾಲದು. ಕುಮಟಾ ಕ್ಷೇತ್ರದ ರಾಜಕೀಯ ಇತಿಹಾಸ (Political History) ಗಮನಿಸಿದರೆ, ಕೇವಲ ಹಣದ ಬಲದಿಂದ ಚುನಾವಣೆಯಲ್ಲಿ ಗೆಲುವು ಸಾಧಿಸುವುದು ಸುಲಭದ ವಿಚಾರವಲ್ಲ. ಅಭ್ಯರ್ಥಿಯ ಹಿಂದೆ ಗಟ್ಟಿಯಾದ ಕಾರ್ಯಕರ್ತರ ಪಡೆ (Strong Cadre) ಇರಬೇಕು. ಸ್ಥಳೀಯರ ಸಂಪರ್ಕ (Local Connect) ಹಾಗೂ ನಿರಂತರವಾಗಿ ಜನರ ಕಷ್ಟಕ್ಕೆ ಸ್ಪಂದಿಸುವವರಂತಾಗಬೇಕು, ಏನಾದರೂ ಹೇಳಿದರೆ ವಿಚಾರ ಮಾಡಿ ಹೇಳತ್ತೇನೆ, ನೋಡೋಣ-ಮಾಡೋಣ ಎನ್ನುವಂತಾದರೆ ಇಲ್ಲಿನ ಜನ ಗಂಟು ಮೂಟೆ ಕಟ್ಟಿ, ಇವರೇ ಬಸ್ ಟಿಕೆಟ್ ಕೊಡಿಸಿ ಎಲ್ಲಿಂದ ಬಂದಿದ್ದರೋ ಅಲ್ಲಿಗೆ ವಾಪಸ್ ಕಳುಹಿಸುವುದು ಮಾತ್ರ ಗ್ಯಾರಂಟಿ.
ಹೀಗಾಗಿ ರಾಜ್ಯ ನಾಯಕರ ಹೆಸರಲ್ಲಿ ಬಿಲ್ಡಪ್ (Build-up) ಕೊಟ್ಟರೆ ಇಲ್ಲಿ ನಡೆಯುವ ಆಟವೇ ಬೇರೆ. ಹೀಗಾಗಿ ತಾನು ರೆಡಿ (Ready) ಎಂದು ಬಂದ ಅಭ್ಯರ್ಥಿ ಬಂದ ಬಸ್ಸಿನಲ್ಲೇ ವಾಪಸ್ ಹೋಗುವುದು ಉತ್ತಮ ಅಂತಿದ್ದಾರೆ ನಿಷ್ಠಾವಂತ ಕಾಂಗ್ರೆಸ್ಸಿಗರು
