ಸುದ್ದಿಬಿಂದು ಬ್ಯೂರೋ ವರದಿ
ಕಾರವಾರ ಉತ್ತರ ಕನ್ನಡದಲ್ಲೇ ಪ್ರಥಮ: ಕೆಲಸಗಾರರು ಮತ್ತು ಗ್ರಾಹಕರನ್ನು ಬೆಸೆಯುವ ‘Unitefix’ ಆಪ್ ಲೋಕಾರ್ಪಣೆ; ಉಚಿತ ನೋಂದಣಿಗೆ ಅವಕಾಶ,ಉತ್ತರ ಕನ್ನಡ ಜಿಲ್ಲೆಯ ಇತಿಹಾಸದಲ್ಲೇ ಪ್ರಥಮ, ಸ್ಥಳೀಯ ಕೌಶಲ್ಯಯುತ ಕೆಲಸಗಾರರನ್ನು ಮತ್ತು ಗ್ರಾಹಕರನ್ನು ಒಂದೇ ವೇದಿಕೆಯಲ್ಲಿ ಜೋಡಿಸುವ ವಿನೂತನ ಡಿಜಿಟಲ್ ತಂತ್ರಜ್ಞಾನದ ‘Unitefix Services Pvt Ltd’ ಕಂಪೆನಿಯು ಮೊಬೈಲ್ ಆಪ್ ಅನ್ನು ಪರಿಚಯಿಸುತ್ತಿದೆ. ಇದು ಕೇವಲ ಒಂದು ಆಪ್ ಆಗಿರದೆ, ಜಿಲ್ಲೆಯ ನಿರುದ್ಯೋಗ ನಿವಾರಣೆ ಹಾಗೂ ಸಾರ್ವಜನಿಕರ ದೈನಂದಿನ ಕೆಲಸ ಕಾರ್ಯಗಳನ್ನು ಸುಲಭಗೊಳಿಸುವ ಒಂದು ಪಾರದರ್ಶಕ ಡಿಜಿಟಲ್ ವೇದಿಕೆಯಾಗಿದೆ.
ಕೌಶಲ್ಯ ಪ್ರದರ್ಶನಕ್ಕೆ ಸುವರ್ಣಾವಕಾಶ :
ಸ್ಥಳೀಯವಾಗಿ ಲಭ್ಯವಿರುವ, ಕಂಪ್ಯೂಟರ್ , CCTV, ಎಲೆಕ್ಟ್ರಿಷಿಯನ್, ಪ್ಲಂಬರ್, ಬಡಗಿ (ಕಾರ್ಪೆಂಟರ್), ಪೇಂಟರ್, ಗೃಹೋಪಯೋಗಿ ವಸ್ತುಗಳ ರಿಪೇರಿ ಮಾಡುವವರು ಸೇರಿದಂತೆ ವಿವಿಧ ರಂಗಗಳ ನುರಿತ ಕಾರ್ಮಿಕರು ಮತ್ತು ವೃತ್ತಿಪರರು ತಮ್ಮ ಕೌಶಲ್ಯವನ್ನು ಪ್ರದರ್ಶಿಸಿ, ನೇರವಾಗಿ ಗ್ರಾಹಕರನ್ನು ತಲುಪಲು ಈ ಆಪ್ ಉತ್ತಮ ಅವಕಾಶ ಕಲ್ಪಿಸಿದೆ. ಇದರಿಂದ ಮಧ್ಯವರ್ತಿಗಳ ಹಾವಳಿ ತಪ್ಪಲಿದ್ದು, ಕೆಲಸಗಾರರು ಹಾಗೂ ಕೆಲಸ ಮಾಡಿಸಿಕೊಳ್ಳುವ ಗ್ರಾಹಕರಿಬ್ಬರಿಗೂ ಸಂಪೂರ್ಣ ಪಾರದರ್ಶಕತೆ ಮತ್ತು ನಂಬಿಕಸ್ಥ ಸೇವೆ ಸಿಗಲಿದೆ.
ಸದ್ಯಕ್ಕೆ ಉಚಿತ ನೋಂದಣಿ: ಉತ್ತರ ಕನ್ನಡ ಜಿಲ್ಲೆಯ ಹೆಮ್ಮೆಯ ಸಂಸ್ಥೆಯಾಗಿರುವ ‘Unitefix’, ಜಿಲ್ಲೆಯ ಎಲ್ಲಾ ಭಾಗದ ಕೆಲಸಗಾರರಿಗೂ ಸದ್ಯಕ್ಕೆ ಉಚಿತವಾಗಿ (Free Registration) ಸೇರಿಕೊಳ್ಳಲು ಸುವರ್ಣಾವಕಾಶ ನೀಡಿದೆ. ಸಾರ್ವಜನಿಕರು ಮತ್ತು ವೃತ್ತಿಪರರು ಗೂಗಲ್ ಪ್ಲೇಸ್ಟೋರ್ ಮೂಲಕ ಈ ಆಪ್ ಡೌನ್ಲೋಡ್ ಮಾಡಿಕೊಂಡು ಇದರ ಸದುಪಯೋಗ ಪಡೆದುಕೊಳ್ಳಬಹುದು.
ಯಲ್ಲಾಪುರ ಮತ್ತು ಹೊನ್ನಾವರದಲ್ಲಿ ಪ್ರಾಯೋಗಿಕ ಚಾಲನೆ: ಸಂಸ್ಥೆಯು ಪ್ರಾಯೋಗಿಕವಾಗಿ (Pilot Project) ಕೆಲವು ಪ್ರಮುಖ ಸೇವೆಗಳನ್ನು ಸದ್ಯಕ್ಕೆ ಯಲ್ಲಾಪುರ ಮತ್ತು ಹೊನ್ನಾವರ ತಾಲ್ಲೂಕುಗಳಲ್ಲಿ ಆರಂಭಿಸಿದೆ. ಈ ಭಾಗದ ಜನರು ಆಪ್ ಮೂಲಕ ತಮಗೆ ಬೇಕಾದ ಕೆಲಸಗಾರರನ್ನು ಸುಲಭವಾಗಿ ಸಂಪರ್ಕಿಸಿ ಕೆಲಸ ಮಾಡಿಸಿಕೊಳ್ಳಬಹುದು. ಶೀಘ್ರದಲ್ಲೇ ಜಿಲ್ಲೆಯ ಎಲ್ಲಾ ತಾಲ್ಲೂಕುಗಳಿಗೂ ಈ ಸೇವೆಯನ್ನು ವಿಸ್ತರಿಸಲಾಗುವುದು. “ನಮ್ಮ ಜಿಲ್ಲೆಯಲ್ಲೇ ಪ್ರಥಮವಾಗಿ ಸ್ಥಾಪಿತವಾಗಿರುವ ಈ ಡಿಜಿಟಲ್ ಸಂಸ್ಥೆಯ ಬೆಳವಣಿಗೆಗೆ ಜಿಲ್ಲೆಯ ಸಮಸ್ತ ಜನತೆಯ, ಉದ್ಯಮಿಗಳ ಹಾಗೂ ಕಾರ್ಮಿಕ ಬಂಧುಗಳ ಸಹಕಾರ ಅತ್ಯಂತ ಅಗತ್ಯವಾಗಿದೆ. ಪ್ರತಿಯೊಬ್ಬರೂ ಈ ಸ್ವದೇಶಿ ಆಪ್ ಅನ್ನು ಬಳಸುವ ಮೂಲಕ ಸ್ಥಳೀಯ ಉದ್ಯೋಗಶೀಲತೆಗೆ ಬೆಂಬಲ ನೀಡಬೇಕು” ಎಂದು ಕೋರಲಾಗಿದೆ. ಸದ್ಯ ಕೆಲಸ ಮಾಡಿಸಿ ಕೊಳ್ಳಲು ಅವಕಾಶವಿದ್ದು, ಅತೀ ಶೀಘ್ರದಲ್ಲೇ ಇದೇ ಆ್ಯಪ್ ನಲ್ಲಿ ಸರಕು, ಸಾಮಾನೂ ಮಾರಾಟ ಹಾಗೂ ಖರೀದಿಗೂ ಅವಕಾಶ ಕಲ್ಪಿಸಲಾಗುತ್ತದೆ
ಇದನ್ನೂ ಓದಿ/B.C. Nagesh : ಮಾಜಿ ಶಿಕ್ಷಣ ಸಚಿವ ಬಿ,ಸಿ, ನಾಗೇಶ ನಿಧನ
