ಸುದ್ದಿಬಿಂದು ಬ್ಯೂರೋ ವರದಿ
ಯಲ್ಲಾಪುರ : ಸರಿಯಾಗಿ ಕಿವಿ ಕೇಳದಿದ್ದರೂ, ಕಣ್ಣು ಮಂಜಾಗಿದ್ದರು ತನ್ನ ಮೊಮ್ಮಗ ಹೇಳಿಕೊಟ್ಟಂತೆ ನಟಿಸುವ ಮೂಲಕ ಇವರ ಜೀವನೋತ್ಸಾಹ ಮಾತ್ರ ಮರೆಯಲಾರದಂತಾಗಿತ್ತು. ಆದರೆ ವಯೋ ಸಹಜ ಕಾಯಿಲೆಗೆ ಒಳಗಾಗಿದ್ದ ಮಂಚಿಕೇರಿ ರೀಲ್ಸ್ ಅಜ್ಜಿ ಲಕ್ಷ್ಮೀ ನಾಯ್ಕ ವಿಧಿವಶರಾಗಿದ್ದಾರೆ.
ಮೃತರು ಉತ್ತರ ಕನ್ನಡ ಜಿಲ್ಲೆಯ ಯಲ್ಲಾಪುರ ತಾಲೂಕಿನ ಮಂಚಿಕೇರಿಯ ನಿವಾಸಿಯಾಗಿದ್ದರು, ಇವರಿಗೆ ಸುಮಾರು 93 ವರ್ಷ ವಯಸ್ಸಾಗಿತ್ತು. ಇವರು ತನ್ನ ಮರಿಮೊಮ್ಮಗ ಡ್ರಾಮಾ ಜೂನಿಯರ್ಸ್ ಸೂರಜ್ ಜೊತೆ ಲೆಕವಿಲ್ಲದಷ್ಟು ರಿಲ್ಸ್ ಮಾಡೋ ಮೂಲಕ ರಾಜ್ಯದ ಜನರ ಗಮನಸೆಳೆಯುವಂತೆ ಮಾಡಿದ್ದರು. ಸಾಮಾಜಿಕ ಜಾಲತಾಣಗಳಲ್ಲಿ ‘ರೀಲ್ಸ್ ಅಜ್ಜಿ’ ಎಂದೇ ಮನೆಮಾತಾಗಿದ್ದರು. ಇವರ ರೀಲ್ಸ್ ಮೂಲಕವೇ ಲಕ್ಷಾಂತರ ಮಂದಿಯನ್ನ ಸೆಳೆದಿದ್ದರುಮ ಕೆವಲ ಉತ್ತರಕನ್ನಡ ಜಿಲ್ಲೆಯಲ್ಲಿ ಅಷ್ಟೆ ಅಲ್ಲದೇ ರಾಜ್ಯಾದ್ಯಂತ ರೀಲ್ಸ್ ಅಜ್ಜಿ ಚಿರಪರಿಚಿತರಾಗಿದ್ದರು
ಅವರ ಅಗಲಿಕೆಯಿಂದ ಕುಟುಂಬದವರು ಮಾತ್ರವಲ್ಲದೆ ಅಭಿಮಾನಿಗಳಲ್ಲೂ ದುಃಖದ ವಾತಾವರಣ ಮೂಡಿದೆ.
ಡ್ರಾಮಾ ಜೂನಿಯರ್ ಕಾರ್ಯಕ್ರಮದ ಮೂಲಕ ಪರಿಚಿತರಾದ ಪ್ರತಿಭೆ ಸೂರಜ್ ಅವರೊಂದಿಗೆ ಅನೇಕ ರೀಲ್ಸ್ಗಳಲ್ಲಿ ಕಾಣಿಸಿಕೊಂಡು ಲಕ್ಷ್ಮಿ ನಾಯ್ಕ್ ಅವರು ಅಪಾರ ಜನಪ್ರಿಯತೆ ಗಳಿಸಿದ್ದರು. ತಮ್ಮ ಸರಳ ಸ್ವಭಾವ ಅಭಿನಯದ ಮೂಲಕ ಸಾಮಾಜಿಕ ಜಾಲತಾಣಗಳಲ್ಲಿ ವಿಶಿಷ್ಟ ಗುರುತನ್ನು ಪಡೆದಿದ್ದರು. ಅವರ ಪ್ರತಿಯೊಂದು ವಿಡಿಯೋಗಳು ಹಾಗೂ ಅಭಿನಯ ಶೈಲಿ ಜನಮನದಲ್ಲಿ ವಿಶೇಷ ಸ್ಥಾನ ಪಡೆದಿದ್ದು, ಎಲ್ಲ ವಯಸ್ಸಿನವರಿಂದಲೂ ಮೆಚ್ಚುಗೆಗೆ ಪಾತ್ರವಾಗಿದ್ದರು.
ಲಕ್ಷ್ಮಿ ನಾಯ್ಕ್ ಅವರು ತಮ್ಮ ಹಿಂದೆ ಮಕ್ಕಳು, ಮೊಮ್ಮಕ್ಕಳು ಸೇರಿದಂತೆ ಅಪಾರ ಬಂಧುಬಳಗವನ್ನು ಅಗಲಿದ್ದಾರೆ. ಅವರ ನಿಧನದಿಂದ ಕುಟುಂಬದಲ್ಲಿ ಶೋಕ ಮಡುಗಟ್ಟಿದೆ. ಅವರ ಅಗಲಿಕೆಯ ಸುದ್ದಿ ತಿಳಿಯುತ್ತಿದ್ದಂತೆ ಸಾಮಾಜಿಕ ಜಾಲತಾಣಗಳಲ್ಲಿ ಅಭಿಮಾನಿಗಳು ಸಂತಾಪ ಸೂಚಿಸುತ್ತಿದ್ದು, “ರೀಲ್ಸ್ ಅಜ್ಜಿ”ಯ ನೆನಪುಗಳನ್ನು ಹಂಚಿಕೊಳ್ಳುತ್ತಿದ್ದಾರೆ.
