ಸುದ್ದಿಬಿಂದು ಬ್ಯೂರೋ ವರದಿ
ಕಾರವಾರ: ಕರಾವಳಿ ಉತ್ಸವದ ಸಂಗೀತ ಸಂಜೆ ಕನ್ನಡಾಭಿಮಾನದಿಂದ ಕಂಗೊಳಿಸಿತು. ಬಹುಭಾಷಾ ಹಿನ್ನಲೆ ಗಾಯಕ ಸೋನು ನಿಗಮ್ ಅವರು ಹಿಂದಿಕ್ಕಿಂತಲೂ ಹೆಚ್ಚು ಕನ್ನಡ ಹಾಡುಗಳನ್ನು ಹಾಡುವ ಮೂಲಕ ಕನ್ನಡ ಭಾಷೆ ಮತ್ತು ಸಂಗೀತದ ಮೇಲಿನ ತಮ್ಮ ಪ್ರೀತಿ-ಗೌರವವನ್ನು ವ್ಯಕ್ತಪಡಿಸಿದರು.
ವೇದಿಕೆ ಏರಿದ ಕೂಡಲೇ “ಐ ಲವ್ ಕನ್ನಡ” ಎಂದು ಹುರಿದುಂಬಿಸಿದ ಸೋನು ನಿಗಮ್, ಕನ್ನಡಿಗರ ಹೃದಯ ಗೆದ್ದರು. “ಹೊಂಬಿಸಿಲಲ್ಲಿ ನಂಗ್ ಯಾಕೆ ಕಂಡಳು”, “ಈ ಸಂಜೆ ಯಾಕಾಗಿದೆ” ಸೇರಿದಂತೆ ಜನಪ್ರಿಯ ಕನ್ನಡ ಗೀತೆಗಳನ್ನು ಮನಮುಟ್ಟುವಂತೆ ಹಾಡಿ, ಕನ್ನಡ ಹಾಡುಗಳ ಶ್ರೀಮಂತ ಪರಂಪರೆಯನ್ನು ಹಾಡಿ ಹೊಗಳಿದರು.
ಸಂಗೀತ ಸಂಜೆ ನಡೆಸಿಕೊಟ್ಟ ಅವರು, ತಮ್ಮ ಸಂಗೀತ ಜೀವನದಲ್ಲಿ ಕನ್ನಡ ಹಾಡುಗಳಿಗೆ ವಿಶೇಷ ಸ್ಥಾನವಿದೆ ಎಂದು ಹೇಳುತ್ತಾ, ಹಿಂದಿಕ್ಕಿಂತಲೂ ಕನ್ನಡಕ್ಕೆ ಹೆಚ್ಚು ಪ್ರಾಶಸ್ತ್ಯ ನೀಡಿರುವುದಾಗಿ ತಿಳಿಸಿದರು. ಕನ್ನಡ ಪ್ರೇಕ್ಷಕರ ಉತ್ಸಾಹಭರಿತ ಪ್ರತಿಕ್ರಿಯೆಗೆ ಸ್ಪಂದಿಸಿದ ಸೋನು ನಿಗಮ್, ಮತ್ತೆ-ಮತ್ತೆ ಕನ್ನಡದಲ್ಲೇ ಮಾತನಾಡಿ ಅಭಿಮಾನಿಗಳನ್ನು ಮತ್ತಷ್ಟು ಸಂತೋಷಪಡಿಸಿದರು.
ಕರಾವಳಿ ಉತ್ಸವದ ಈ ಸಂಗೀತ ಸಂಜೆ ಕನ್ನಡಾಭಿಮಾನ, ಸಂಸ್ಕೃತಿ ಮತ್ತು ಸಂಗೀತದ ಸಂಭ್ರಮವಾಗಿ ನೆನಪಿನಲ್ಲಿ ಉಳಿಯಿತು.
ಇದನ್ನೂ ಓದಿ/ಶಿರಸಿಯಲ್ಲಿ ಶೀಘ್ರವೇ ಮತ್ತೊಂದು KFD ಪರೀಕ್ಷಾ ಲ್ಯಾಬ್: ಆರೋಗ್ಯ ಸಚಿವ ದಿನೇಶ್ ಗುಂಡೂರಾವ್
