ಸುದ್ದಿಬಿಂದು ಬ್ಯೂರೋ
Gokaran:ಗೋಕರ್ಣ:ಉತ್ತರಕನ್ನಡದ(uttarkannada) ಗೋಕರ್ಣ ಪ್ರವಾಸಕ್ಕೆ ಬಂದಿದ್ದ ವಿದೇಶಿ ಮಹಿಳೆ ನಾಪತ್ತೆಯಾಗಿರುವ ಘಟನೆ ಗೋಕರ್ಣದಲ್ಲಿ ನಡೆದಿದೆ.
ಎಮಿ ಯಮಾಝಕಿ(40) ನಾಪತ್ತೆಯಾದ ಮಹಿಳೆ,ಜಪಾನ್ ದೇಶದಿಂದ ದಂಪತಿಗಳಿಬ್ಬರು ಗೋಕರ್ಣ ಪ್ರವಾಸಕ್ಕೆ ಬಂದಿದ್ದರು, ಇವರು ಗೋಕರ್ಣದ ಬಂಗ್ಲೆಗುಡ್ಡೆಯ ವಸತಿಗೃಹದಲ್ಲಿ ಉಳಿದುಕೊಂಡಿದ್ದರು. ಈ ವೇಳೆ ವಸತಿಗೃಹದಲ್ಲಿ ಉಳಿದುಕೊಂಡಿದ್ದ ಮಹಿಳೆ ಪತಿಯ ಬಳಿ ಹೊರಗೆ ಹೋಗಿ ಬರುವುದುದಾಗಿ ವಸತಿಗೃಹದಿಂದ ಹೋದವಳು ವಾಪಸ್ ಬರದೆ ನಾಪತ್ತೆಯಾಗಿದ್ದಾಳೆ. ಗೋಕರ್ಣ ವ್ಯಾಪ್ತಿಯು ಈಗಾಗಲೇ ಮಾದಕ ದ್ರವ್ಯಗಳ ಜಾಲದಿಂದ ಕುಖ್ಯಾತಿಯನ್ನು ಕೂಡಾ ಪಡೆದುಕೊಂಡಿದ್ದು, ಯಾವುದೋ ಮಾದಕ ದ್ರವ್ಯ ವ್ಯಸನಿಗಳು ಮಹಿಳೆಯನ್ನು ಕಿಡ್ನ್ಯಾಪ್ ಮಾಡಿರಬಹುದೇ ಅಥವಾ ದುರುಳರ ಯಾವುದೋ ಇತರ ಕೃತ್ಯಕ್ಕೆ ಮಹಿಳೆ ಬಲಿಯಾಗಿರಬಹುದೇ ಎಂಬ ಆತಂಕವೂ ಕಾಡತೊಡಗಿದೆ. ವಿದೇಶಿ ರಾಯಭಾರಿ ಕಚೇರಿಯಿಂದ ಈಗಾಗಲೇ ರಾಜ್ಯ ಪೊಲೀಸರನ್ನು ಸಂಪರ್ಕ ಮಾಡಿದ್ದು, ಮಹಿಳೆಯ ಪತ್ತೆಗೆ ವಿವಿಧ ಆಯಾಮಗಳಲ್ಲಿ ತನಿಖೆ ನಡೆಸಲಾಗುತ್ತಿದೆ.
ಮಹಿಳೆ ನಾಪತ್ತೆಯಾಗಿರುವ ಬಗ್ಗೆ ಆಕೆಯ ಪತಿ ಮಹಿಳೆಯ ಪತಿ ದೈ ಯಮಾಝಿಕಿ ಯಿಂದ ದೂರು ಗೋಕರ್ಣ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸ್ ನಾಪತ್ತೆಯಾಗಿರುವ ಮಹಿಳೆಗಾಗಿ ಹುಡುಕಾಟ ನಡೆಸುತ್ತಿದ್ದಾರೆ
