ಸುದ್ದಿಬಿಂದು ಬ್ಯೂರೋ ವರದಿ
ಹೊನ್ನಾವರ : ಮಂಕಿ ಭಾಗದ ಜನತೆ ಹಾಗೂ ವಿದ್ಯಾರ್ಥಿಗಳ ಬಹುದಿನದ ಬೇಡಿಕೆಯಾಗಿದ್ದ ನೂತನ ಬಸ್ ಸಂಚಾರಕ್ಕೆ ಭಟ್ಕಳ ಕ್ಷೇತ್ರದ ಶಾಸಕ ಹಾಗೂ ಉಪಸಭಾಧ್ಯಕ್ಷ ಮಂಕಾಳ್ ವೈದ್ಯ ಅವರು ಚಾಲನೆ ನೀಡಿದರು. ವಿದ್ಯಾರ್ಥಿಗಳ ಶಿಕ್ಷಣ ಹಾಗೂ ಸ್ಥಳೀಯ ಜನರ ದೈನಂದಿನ ಪ್ರಯಾಣಕ್ಕೆ ಅನುಕೂಲ ಕಲ್ಪಿಸುವ ಉದ್ದೇಶದಿಂದ ಈ ಬಸ್ ಸೇವೆ ಆರಂಭಿಸಲಾಗಿದ್ದು, ಸಾರ್ವಜನಿಕರಿಂದ ಸಂತಸ ವ್ಯಕ್ತವಾಗಿದೆ.
ಬಸ್ ಸಂಚಾರಕ್ಕೆ ಚಾಲನೆ ನೀಡಿದ ಬಳಿಕ ವಿದ್ಯಾರ್ಥಿಗಳೊಂದಿಗೆ ಬೀನಾ ವೈದ್ಯ ಸೇರಿದಂತೆ ಬ್ಲಾಕ್ ಕಾಂಗ್ರೇಸ್ ಅಧ್ಯಕ್ಷರು ಸೇರಿದಂತೆ ಕಾಂಗ್ರೇಸ್ ಮುಖಂಡರು ಬಸ್ನಲ್ಲಿ ಪ್ರಯಾಣಿಸಿ ವಿದ್ಯಾರ್ಥಿಗಳೊಂದಿಗೆ ಸಂವಾದ ನಡೆಸಿ ಹೊಸ ಸೇವೆಯ ಕುರಿತು ಸಂತಸ ಹಂಚಿಕೊಂಡರು.
ಬಸ್ ಸಂಚಾರದ ವೇಳಾಪಟ್ಟಿ ಹೀಗಿದೆ:
ಬೆಳಿಗ್ಗೆ 8 ಗಂಟೆಗೆ: ಜಡ್ಡಿ ಕ್ರಾಸ್ನಿಂದ ಹೊರಡುವ ಬಸ್ ಜಡ್ಡಿ, ಮುಲ್ಲೆಕೇರಿ, ತಾಳಮಕ್ಕಿ, ಬಾಲಯ್ಯನವಾಡೆ, ದೊಡ್ಡಗುಂದ, ಹೊಸಹಿತ್ತಲ, ನೂರ್ ಮೊಹಲ್ಲಾ, ನಾಖುದಾ ಮೊಹಲ್ಲಾ, ಹಳೇಮಠ, ಸೂಪರ್ ಬಜಾರ್, ಬಣಸಾಲೆ, ದಾಸನಮಕ್ಕಿ, ಸಿಂಗಾಣಿ ಹಿತ್ತಲ, ಗುಳದಕೇರಿ ಹಾಗೂ ಮಂಕಿ ಆಸ್ಪತ್ರೆ ಮಾರ್ಗವಾಗಿ ಹೊನ್ನಾವರಕ್ಕೆ ತೆರಳಲಿದೆ.
ಸಂಜೆ 4.30ಕ್ಕೆ: ಮಂಕಿ ಆಸ್ಪತ್ರೆಯಿಂದ ಹೊರಡುವ ಬಸ್ ಗುಳದಕೇರಿ, ಸಿಂಗಾಣಿ ಹಿತ್ತಲ, ದಾಸನಮಕ್ಕಿ, ಬಣಸಾಲೆ, ಸೂಪರ್ ಬಜಾರ್, ಹಳೇಮಠ, ನಾಖುದಾ ಮೊಹಲ್ಲಾ, ನೂರ್ ಮೊಹಲ್ಲಾ, ಹೊಸಹಿತ್ತಲ, ದೊಡ್ಡಗುಂದ, ಬಾಲಯ್ಯನವಾಡೆ, ತಾಳಮಕ್ಕಿ, ಮುಲ್ಲೆಕೇರಿ ಹಾಗೂ ಜಡ್ಡಿ ಮಾರ್ಗವಾಗಿ ಜಡ್ಡಿ ಕ್ರಾಸ್ ತಲುಪಿ, ಅಲ್ಲಿಂದ ಭಟ್ಕಳಕ್ಕೆ ತೆರಳಲಿದೆ.
ಈ ಬಸ್ ಸೇವೆಯಿಂದ ಮಂಕಿ ಭಾಗದ ಹಲವು ಗ್ರಾಮಗಳ ವಿದ್ಯಾರ್ಥಿಗಳು ಹಾಗೂ ಸಾರ್ವಜನಿಕರಿಗೆ ಅನುಕೂಲವಾಗಲಿದೆ. ವಿಶೇಷವಾಗಿ ಶಾಲಾ-ಕಾಲೇಜುಗಳಿಗೆ ತೆರಳುವ ವಿದ್ಯಾರ್ಥಿಗಳ ಪ್ರಯಾಣದ ಸಮಸ್ಯೆಗೆ ಪರಿಹಾರ ದೊರೆಯುವ ನಿರೀಕ್ಷೆಯಿದೆ. ಜನರ ಬಹುದಿನದ ಬೇಡಿಕೆಗಳಿಗೆ ಸ್ಪಂದಿಸಿ, ಅವರ ದೈನಂದಿನ ಬದುಕಿಗೆ ಅನುಕೂಲ ಕಲ್ಪಿಸುವುದೇ ನಿಜವಾದ ಜನಸೇವೆ ಎಂಬ ಆಶಯದೊಂದಿಗೆ ನೂತನ ಬಸ್ ಸೇವೆ ಆರಂಭಗೊಂಡಿದೆ.
ಇದನ್ನೂ ಓದಿ/ ಕರಾವಳಿಗೆ ಚಂಡಮಾರುತದ ಆತಂಕ; ರಾಜ್ಯದಲ್ಲಿ ಚಳಿಯ ನಡುವೆ ನಾಲ್ಕು ದಿನ ಮಳೆ ಮುನ್ಸೂಚನೆ!

