ಸುದ್ದಿಬಿಂದು ಬ್ಯೂರೋ ವರದಿ
ಅಂಕೋಲಾ ತಾಲೂಕು ಛಾಯಾಗ್ರಾಹಕರು ಮತ್ತು ವೀಡಿಯೋಗ್ರಾಫರ್ಸ್ ಅಸೋಸಿಯೇಷನ್ (ರಿ.) ವತಿಯಿಂದ ಛಾಯಾಗ್ರಹಣ ಸೇವೆಗಳಿಗೆ ಏಕರೂಪ ದರವನ್ನು ನಿಗದಿಪಡಿಸಿ ಪ್ರಕಟಿಸಲಾಗಿದೆ. ಈ ಹೊಸ ದರಪಟ್ಟಿ 2026ರ ಜೂನ್ 1ರಿಂದ ಜಾರಿಗೆ ಬಂದಿದ್ದು, ತಾಲೂಕಿನ ಎಲ್ಲಾ ಸದಸ್ಯ ಛಾಯಾಗ್ರಾಹಕರು ಹಾಗೂ ವೀಡಿಯೋಗ್ರಾಫರ್ಗಳು ನಿಗದಿತ ದರದಂತೆ ಸೇವೆ ಒದಗಿಸಲಿದ್ದಾರೆ ಎಂದು ಸಂಘ ತಿಳಿಸಿದೆ.
ಹೊಸ ದರಪಟ್ಟಿಯ ಪ್ರಕಾರ, 8 ಪ್ರತಿಗಳ ಪಾಸ್ಪೋರ್ಟ್ ಹಾಗೂ ಐಡಿ ಫೋಟೋಗೆ 100, ಮೊಬೈಲ್ ಪಾಸ್ಪೋರ್ಟ್ ಫೋಟೋಗೆ 100, ಹೆಚ್ಚುವರಿ ಪಾಸ್ಪೋರ್ಟ್ ಫೋಟೋಗೆ 100, ಸ್ಕ್ಯಾನ್ ಪಾಸ್ಪೋರ್ಟ್ ಫೋಟೋಗೆ 100 ಹಾಗೂ ವೀಸಾ ಫೋಟೋಗೆ 120 ದರ ನಿಗದಿಪಡಿಸಲಾಗಿದೆ. ಬಿ-2 ಗಾತ್ರದ ಪಾಸ್ಪೋರ್ಟ್ ಫೋಟೋಗೆ 150 ದರ ನಿಗದಿಯಾಗಿದೆ.
ಇದಲ್ಲದೆ, 4×6 ಗಾತ್ರದ ಒಂದು ಫೋಟೋ ಪ್ರತಿಗೆ 50 ಹಾಗೂ ಹೆಚ್ಚುವರಿ ಪ್ರತಿಗೆ 30 ದರ ನಿಗದಿಪಡಿಸಲಾಗಿದೆ. ಮದುವೆ ಸಮಾರಂಭಗಳ ಛಾಯಾಗ್ರಹಣ ಮತ್ತು ವೀಡಿಯೋಗ್ರಫಿ ಸೇವೆಗಳನ್ನು ಸಂಘದ ಮಾರ್ಗಸೂಚಿಯಂತೆ “ಹಾಲ್-ಟು-ಹಾಲ್” ಆಧಾರದ ಮೇಲೆ ಒದಗಿಸಲಾಗುವುದು ಎಂದು ತಿಳಿಸಲಾಗಿದೆ.
ಛಾಯಾಗ್ರಹಣ ಕ್ಷೇತ್ರದಲ್ಲಿ ಗುಣಮಟ್ಟ, ಪಾರದರ್ಶಕತೆ ಹಾಗೂ ವೃತ್ತಿಪರತೆಯನ್ನು ಕಾಪಾಡುವ ಉದ್ದೇಶದಿಂದ ಈ ಏಕರೂಪ ದರ ವ್ಯವಸ್ಥೆಯನ್ನು ಜಾರಿಗೆ ತರಲಾಗಿದೆ ಎಂದು ಸಂಘದ ಪದಾಧಿಕಾರಿಗಳು ತಿಳಿಸಿದ್ದಾರೆ.
