ಸುದ್ದಿಬಿಂದು ಬ್ಯೂರೋ ವರದಿ
ಕಾರವಾರ : ಒಂದು ವಾರ ಗಡವು ನೀಡಿದರು ವಿದ್ಯುತ್ ಪೂರೈಕೆ ಮಾರ್ಗ ಬದಲಾಯಿಸದೆ ಇರುವದನ್ನ ಖಂಡಿಸಿದ ಕಾರವಾರ ತಾಲೂಕಿನ ಹಳಗಾ ಗ್ರಾಮಸ್ಥರು ಗ್ರಾ.ಪಂ ಎದುರು ಪ್ರತಿಭಟನೆ ನಡೆಸಿದ್ದಾರೆ.
ಕಳೆದ ಎರಡು ವಾರದ ಹಿಂದೆ ಭಾರೀ ಗಾಳಿ ಸಹಿತ ಸುರಿದ ಮಳೆಗೆ ಎರಡು ದಿನ ವಿದ್ಯುತ್ ಇಲ್ಲದೆ ಹಳಗಾ ಗ್ರಾಮದ ಜನ ಪರದಾಡಿದ್ದರು…ಹಳಗಾ ಗ್ರಾಮಕ್ಕೆ ಈ ಹಿಂದಿನಿಂದ ಹಣಕೋಣ ಗ್ರಾಮದ ಗ್ರಿಡ್ ನಿಂದ ವಿದ್ಯುತ್ ಸರಬರಾಜು ಮಾಡಲಾಗುತ್ತಿತ್ತು ಕಳೆದ ಎರಡು ವಾರದಿಂದ ಏಕಾಏಕಿ ಕದ್ರಾ ಗ್ರಿಡ್ ನಿಂದ ವಿದ್ಯುತ್ ಸರಬರಾಜು ಮಾಡಲಾಗಿದ್ದು ಇಲ್ಲಿ ಅರಣ್ಯ ಪ್ರದೇಶದಿಂದ ವಿದ್ಯುತ್ ತಂತಿ ಹಾದು ಹೋಗಿದ್ರಿಂದ ಮರ, ಕಂಬ ಮುರಿದು ಬಿದ್ದು ವಿದ್ಯುತ್ ಇಲ್ಲದೆ ಪರದಾಡುತ್ತಿದ್ದಾರೆ….
ವಿದ್ಯುತ್ ಕಣ್ಣಾಮುಚ್ಚಾಲೆ ಆಟ ಹಳಗಾ ಗ್ರಾಮದಲ್ಲಿ ನಿರಂತರವಾಗಿದೆ ಈ ಹಿನ್ನಲೆಯಲ್ಲಿ ಒಂದು ವಾರದಲ್ಲಿ ಈಹಿಂದಿನಂತೆ ಹಣಕೊಣ ಗ್ರಿಡ್ ನಿಂದಲೇ ವಿದ್ಯುತ್ ಪೂರೈಕೆ ಮಾಡಬೇಕು ಎಂದು ಗ್ರಾ.ಪಂ ಅಧಿಕಾರಿಗಳಿಗೆ ಮನವಿ ನೀಡಲಾಗಿತ್ತು, ಆದ್ರೆ ಒಂದು ವಾರ ಬಳಿಕವು ಕದ್ರಾ ಗ್ರಿಡ್ ನಿಂದಲೇ ವಿದ್ಯುತ್ ಪೂರೈಕೆ ಮಾಡುತ್ತಿದ್ದು ವ್ಯವಸ್ಥೆ ಸರಿಪಡಿಸದ ಹಿನ್ನಲೆಯಲ್ಲಿ ಗ್ರಾಮದ ಜನರು ಪ್ರತಿಭಟನೆ ನಡೆಸಿದರು..
ಗ್ರಾಮಸ್ಥರು ಗ್ರಾ.ಪಂ ಅಧಿಕಾರಿಗಳನ್ನ ತಾರಟೆಗೆ ತೆಗೆದುಕೊಂಡರು..ಊರಿನಲ್ಲಿ ವಿದ್ಯುತ್ ಕಣ್ಣಾಮುಚ್ಚಾಲೆ ಜತಗೆ ಸಮರ್ಪಕ ಕುಡಿಯುವ ನೀರಿನ ಕೊರತೆ ಕೂಡಾ ಆಗಿದ್ದು ವ್ಯವಸ್ಥೆ ಸರಿಪಡಿಸುವಂತೆ ಗ್ರಾ.ಪಂ ಅಧಿಕಾರಿಗಳನ್ನ ಹಿಗ್ಗಾಮುಗ್ಗಾ ತರಾಟೆಗೆ ತೆಗೆದುಕೊಂಡರು…ಬಳಿಕ ಗ್ರಾ.ಪಂ ಅಧಿಕಾರಿಗಳಿಂದ ಮತ್ತು ಹೆಸ್ಕಾಂ ನಿಂದ ಎಲ್ಲ ಸಮಸ್ಯೆ ಬಗೆಹರಿಸುವ ಭರವಸೆ ಸಿಕ್ಕಿದ ಬಳಿಕ ಪ್ರತಿಭಟನೆ ಹಿಂಪಡೆಯಲಾಯಿತು..ಈ ಸಂದರ್ಭದಲ್ಲಿ ಕುಮಾರ ನಾಯ್ಕ್ ಸೇರಿದಂತೆ ಪ್ರಮುಖರು ಹಾಜರಿದ್ದರು…
ಇದನ್ನೂ ಓದಿ/ಪನ್ಸೋಲಿ ಆನೆ ಬಿಡಾರಕ್ಕೆ ಸಾರ್ವಜನಿಕ ಪ್ರವೇಶ ತಾತ್ಕಾಲಿಕ ನಿರ್ಬಂಧ
