ಸುದ್ದಿಬಿಂದು ಬ್ಯೂರೋ ವರದಿ
ಬೆಂಗಳೂರು: ನಿನ್ನೆ ರಾತ್ರಿ (ಅಕ್ಟೋಬರ್ 4) ಬೆಂಗಳೂರಿಂದ ಗೋಕರ್ಣಕ್ಕೆ ಹೊರಟ್ಟಿದ್ದ ಸೀರ್ಬಡ್ ಬಸ್ ಬೆಂಗಳೂರು ನಗರದಿಂದ ಕೆಲವೇ ಕಿಲೋಮೀಟರ್ ದೂರದಲ್ಲಿ ಕೆಟ್ಟು ನಿಂತಿದ್ದರು ಪರ್ಯಾಯ ಬಸ್ ವ್ಯವಸ್ಥೆ ಕಲ್ಪಿಸದೆ ರಾತ್ರಿ ಪೂರ್ತಿ ಪ್ರಯಾಣಿಕರು ಬ‌ಸ್‌ನಲ್ಲಿಯೇ ಕಾಲ ಕಳೆಯ ಬೇಕಾದ ಪರಿಸ್ಥಿತಿಯನ್ನ ಸೀರ್ಬಡ್ ಸಂಸ್ಥೆ ತಂದಿಟ್ಟಿದೆ…
ಅಕ್ಟೋಬರ್ 4ರಂದು ರಾತ್ರಿ ಸುಮಾರು 11 ಗಂಟೆಗೆ KA 01U1318 ನೋಂದಣಿ ಹೋದಿದ್ದ ಬಸ್ ಬೆಂಗಳೂರಿನಿಂದ ಗೋಕರ್ಣದತ್ತ ಹೊರಟ್ಟಿತ್ರು, ಬೆಂಗಳೂರಿನಿಂದ ಸುಮಾರು 25 ಕಿಲೋಮೀಟರ್ ದೂರದಲ್ಲಿರುವಾಗ ಬಸ್‌ನಲ್ಲಿ ತಾಂತ್ರಿಕ ದೋಷ ಕಾಣಿಸಿಕೊಂಡು ಬಸನ್ನ ಹೆದ್ದಾರಿ ಪಕ್ಕದಲ್ಲೇ ನಿಲ್ಲಿಸಬೇಕಾದ ಪರಿಸ್ಥಿತಿ ಉಂಟಾಗಿತ್ತು. ನೂರಾರು ಬಸ್ ಹೊಂದಿರುವ ಸೀರ್ಬಡ್ ಸಂಸ್ಥೆ ತಕ್ಷಣ ಪರ್ಯಾಯ ಬಸ್ ವ್ಯವಸ್ಥೆ ಮಾಡಿದ್ದರೆ, ಎಲ್ಲಾ ಪ್ರಯಾಣಿಕರು ನಿಗದಿತ ಸಮಯಕ್ಕೆ ತಲುಪಬೇಕಾದ ಸ್ಥಳಕ್ಕೆ ತಲುಪುತ್ತಿದ್ದರು.. ಪರ್ಯಾಯ ಬಸ್ ವ್ಯವಸ್ಥೆ ಮಾಡುವ ಬದಲಿಗೆ, ದುರಸ್ತಿಗೆ ಸಂಸ್ಥೆ ಮುಂದಾಗಿತ್ತು.
ದುರಸ್ತಿ ಮಾಡುವವರು ಸಹ ಅರ್ಥಗಂಟೆ ಕೆಲಸಕ್ಕೆ ಮೂರು ತಾಸು ವಿಳಂಬವಾಗಿ ಬರುವಂತಾಯಿತು..ಇದರಿಂದಾಗಿ ನಾಲ್ಕರಿಂದ ಐದು ಗಂಟೆಗಳ ಕಾಲ ಪ್ರಯಾಣಿಕರು ಹೆದ್ದಾರಿ ಮಧ್ಯೆಯೇ ಕಾಲಕಳೆಯಬೇಕಾದ ಪರಿಸ್ಥಿತಿ ನಿರ್ಮಾಣವಾಗಿತ್ತು. ಇನ್ನೂ ರಾತ್ರಿ ಸಮಯವಾಗಿದ್ದರಿಂದ ಪರ್ಯಾಯ ಸಾರಿಗೆ ವ್ಯವಸ್ಥೆ ಮಾಡಿಕೊಳ್ಳುವುದೂ ಪ್ರಯಾಣಿಕರಿಗೆ ಕಷ್ಟಕರವಾಗಿತ್ತು. ಅದರಲ್ಲೂ ಬೆಳಗಿನ ವೇಳೆಗೆ ತಮ್ಮ ತಮ್ಮ ಊರುಗಳಲ್ಲಿ ತಲುಪಿ ಕರ್ತವ್ಯಕ್ಕೆ ಹಾಜರಾಗಬೇಕಿದ್ದ ಸರಕಾರಿ ನೌಕರರು, ಉದ್ಯೋಗಿಗಳು ಹಾಗೂ ಇತರ ಪ್ರಯಾಣಿಕರಿಗೆ ಈ ವಿಳಂಬದಿಂದ ತೀವ್ರ ತೊಂದರೆ ಉಂಟಾಗಿದೆ. ಸರಿಯಾದ ಸಮಯಕ್ಕೆ ತಲುಪಿಸುವುದಾಗಿ ಹೇಳುವ ಈ ಸಂಸ್ಥೆ ಈ ರೀತಿ ಕಂಡ ಕಂಡಲ್ಲಿ ಕೆಟ್ಟು ನಿಲ್ಲುವ ಬಸ್‌ಗಳನ್ನ ಯಾಕೆ ಒದಗಿಸಬೇಕು ಎಂದು ಪ್ರಯಾಣಿಕರು ಪ್ರಶ್ನೆ ಮಾಡುತ್ತಿದ್ದಾರೆ.
ಇನ್ನೂ, ಟಿಕೆಟಾ್‌ಗಾಗಿ ಪಾವತಿಸಿದ ಹಣದ ಜೊತೆಗೆ ಸಮಯ ಸಹ ವ್ಯರ್ಥವಾಗಿದೆ. ಈ ಬಗ್ಗೆ ಗಗ್ರಾಹಕರ ವ್ಯಾಜ್ಯಗಳ ಪರಿಹಾರ ಆಯೋಗ ತಕ್ಷಣ ಮಧ್ಯಪ್ರವೇಶಿಸಿ, ಈ ಬಸ್‌ನಲ್ಲಿ ಪ್ರಯಾಣಿಕರಿಗೆ ನ್ಯಾಯ ಒದಗಿಸಬೇಕಿದೆ..ಇಲ್ಲದೆ ಹೋದರೆ ಕೆಲ ಪ್ರಯಾಣಿಕರು ಸೀರ್ಬಡ್ ಸಂಸ್ಥೆಯ ಬಸ್‌ನಿಂದಾಗಿ ಆಗಿರುವ ತೊಂದರೆ ಕುರಿತು ಗ್ರಾಹಕರ ವೇದಿಕೆಗೆ ದೂರ ಅರ್ಜಿ ನೀಡಲು ಸಹ ಮುಂದಾಗಿದ್ದಾರೆನ್ನಲಾಗಿದೆ.
