ಬರ್ಗಿ ಬಳಿ ರಸ್ತೆ ಅಪಘಾತ : ಕುಮಟಾ ಮೂಲದ ಮಹಿಳೆ ಸಾವು

ಸುದ್ದಿಬಿಂದು ಬ್ಯೂರೋ ವರದಿ
ಕುಮಟಾ : ಹೆದ್ದಾರಿ ದಾಟುತ್ತಿದ್ದ ಮಹಿಳೆ ಓರ್ವಳಿಗೆ ಕಾರ ಡಿಕ್ಕಿ ಹೊಡೆದು ಕುಮಟಾ ಮೂಲದ ಮಹಿಳೆ ಸ್ಥಳದಲ್ಲೇ ಮೃತಪಟ್ಟಿರುವ ಘಟನೆ ಬರ್ಗಿಯ ರಾಷ್ಟ್ರೀಯ ಹೆದ್ದಾರಿ 66ರಲ್ಲಿ ಸರಕಾರಿ ಪ್ರೌಢ ಶಾಲೆ ಸಮೀಪದಲ್ಲಿ ನಡೆದೆ.

ಮೃತ ಮಹಿಳೆ ಕುಮಟಾದ ಶಶಿಹಿತ್ಲ ನಿವಾಸಿ ದುರ್ಗಿ ಹರಿಕಾಂತ (70) ಎಂದು ಗುರುತಿಸಲಾಗಿದೆ. ಈಕೆ ಬರ್ಗಿಯಲ್ಲಿ ಇರುವ ತನ್ನ ಸಂಬಂಧಿಕರ ಮನೆಗೆ ಬಂದಿದ್ದಳು. ಕುಮಟಾದಿಂದ ಬಂದ ಮಹಿಳೆ ಬರ್ಗಿಯಲ್ಲಿ ಬಸ್ ಇಳಿದು ಹೆದ್ದಾರಿಯಲ್ಲಿ ನಡೆದುಕೊಂಡು ಸಂಧಿಕರ ಮನೆಗೆ ತೆರಳುತ್ತಿದ್ದು, ಫ್ರೌಢ ಶಾಲೆ ಬಳಿ ಹೋಗುತ್ತಿದ್ದಾಗ ಹೆದ್ದಾರಿ ದಾಟಲು ಹೋಗಿದ್ದ ಮಹಿಳೆಗೆ ಕುಮಟಾ ಕಡೆಯಿಂದ ಗೋಕರ್ಣ ಕಡೆ ಹೋಗುತ್ತಿದ್ದ ಕಾರ ಡಿಕ್ಕಿ ಹೊಡೆದಿದೆ.

ಅಪಘಾತದ ರಭಸಕ್ಕೆ ಮಹಿಳೆ ಸ್ಥಳದಲ್ಲೇ ಸಾವನ್ನಪ್ಪಿದ್ದಾಳೆ. ಕಾರನಲ್ಲಿದ್ದವರು ಸಿದ್ದಾಪುರದಿಂದ KA-31 N8629 ನೊಂದಣಿ ಹೊಂದಿರುವ ಕಾರನಲ್ಲಿ ಧಾರ್ಮಿಕ ಕಾರ್ಯದ ನಿಮಿತ್ತ ಗೋಕರ್ಣಕ್ಕೆ ತೆರಳುತ್ತಿದ್ದರು ಎನ್ನಲಾಗಿದೆ..ಅಪಘಾತ ಸುದ್ದಿ ತಿಳಿಯುತ್ತಿದ್ದಂತೆ ಗೋಕರ್ಣ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಬರ್ಗಿ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಪದೆ ಪದೆ ಅಪಘಾತಗಳು ಸಂಬಂಧಿಸಿದ್ದು, ಈ ಬಗ್ಗೆ ಐಆರ್‌ಬಿ ಕಂಪನಿ ಹಾಗೂ ಪೊಲೀಸ್ ಇಲಾಖೆ ಮುಂಜಾಗ್ರತಾ ಕ್ರಮ ವಹಿಸಬೇಕಾಗಿದೆ ಎಂದು ಸಾರ್ವಜನಿಕರು ಒತ್ತಾಯಿಸಿದರು..