ಸುದ್ದಿಬಿಂದು ಬ್ಯೂರೋ ವರದಿ
ಕಾರವಾರ : ವಿಧಾನ ಪರಿಷತ್ ಚುನಾವಣೆಯಲ್ಲಿ 135 ಶಾಸಕರಿರೋ ಕಾಂಗ್ರೆಸ್ ಪಕ್ಷಕ್ಕೆ 151 ಮತ ಬಂದಿದ್ದು, ರಾಜ್ಯ ರಾಜಕೀಯದಲ್ಲಿ “ಅಡ್ಡ ಮತದಾನ” ಸಂಚಲನ ಮೂಡಿಸಿದೆ.ಈ ಮಧ್ಯೆ ಅಡ್ಡ ಮತದಾನ ಮಾಡಿದ ಶಂಕಾಸ್ಪದ ಶಾಸಕರಲ್ಲಿ ಕರಾವಳಿಯ MLA ಕೂಡ ಇದ್ದಾರೆ ಎಂಬ ಸುದ್ದಿ ಕರಾವಳಿಯಾದ್ಯಂತ ಕಾಡ್ಗಿಚ್ಚಿನಂತೆ ಹಬ್ಬಿದ್ದು, ಈ ಕರಾವಳಿ ಶಾಸಕ ಯಾರು ಎಂದು ಹುಡುಕುವ ಪತ್ತೆದಾರಿ ಕೆಲಸ ಸಾಮಾಜಿಕ ಜಾಲತಾಣದಲ್ಲಿ ಜೋರಾಗೇ ನಡೆಯುತ್ತಿದೆ.
ಜಾಲತಾಣದಲ್ಲಿ ಕೆಲವರು ಈ ಅಡ್ಡ ಮತದಾನ ಮಾಡಿದ ಶಾಸಕ ಮೂಲತಃ ಜಾತ್ಯತೀತ ಆಗಿದ್ದು, ಈಗ ಕಮಲ ಹಿಡಿದಿದ್ದಾರೆ ಎನ್ನುತ್ತಿದ್ದರೆ, ಇನ್ನೂ ಕೆಲವರು ಈ ಕಮಲ ಶಾಸಕ ಮುಂದಿನ ಚುನಾವಣೆಗೆ “ಕೈ” ಟಿಕೆಟ್ confirm ಮಾಡಿಕೊಂಡೇ ಅಡ್ಡ ಮತದಾನ ಮಾಡಿದ್ದಾರೆ ಎನ್ನುತ್ತಿದ್ದಾರೆ.ರಾಜಕೀಯ ಬಲ್ಲ ಕೆಲವರು ಜಿಲ್ಲೆಯೊಂದರ ಉಸ್ತುವಾರಿ ಸಚಿವರಿಗೆ ಹತ್ತಿರವಿದ್ದ ಅನ್ಯ ಪಕ್ಷದ ಶಾಸಕ ಈ ಅಡ್ಡ ಮತದಾನ ಮಾಡಿದ್ದಾರೆ ಎಂದು ಶಂಕೆ ವ್ಯಕ್ತಪಡಿಸುತ್ತಿದ್ದಾರೆ.
ಈ ಅಂತೆ-ಕಂತೆಗಳ ಸಂತೆಯಲ್ಲಿ ಮುಖ್ಯಮಂತ್ರಿ DKS ರಾಜಕೀಯ ಹೆಜ್ಜೆ ವಿಪಕ್ಷದಲ್ಲಿ ತಲ್ಲಣ ಮೂಡಿಸಿದ್ದು, DKS ಹೀಗೆಯೇ ಮುಂದುವರಿದರೆ ಕರಾವಳಿಯ ರಾಜಕೀಯಕ್ಕೂ ಹೊಸ ಬಣ್ಣ ಬರುತ್ತದೆ ಎಂದು ನೆಟ್ಟಿಗರು ಹೇಳುತ್ತಿದ್ದಾರೆ.
ಹಿಂದೆ ತನ್ನ ಆಪ್ತರಲ್ಲಿ “ಮುಂದೊಂದು ದಿನ ನಾನೂ ಸಚಿವನಾಗಬೇಕು” ಎಂದು ಕರಾವಳಿಯ ಶಾಸಕ ಹೇಳಿಕೊಂಡಿದ್ದರಂತೆ… ಇದೇ ಆಸೆಗೆ ಬಿದ್ದು ಈ ಶಾಸಕ ಅಡ್ಡ ಮತದಾನ ಮಾಡಿದರೆ ಎನ್ನುವ ಅನುಮಾನವೂ ಇದೆ. ಒಟ್ಟಾರೆ ಮುಖ್ಯಮಂತ್ರಿ DKS ಹೆಜ್ಜೆ ಕರಾವಳಿಯಲ್ಲಿ ಜೋರಾಗೇ ಸದ್ದು ಮಾಡುತ್ತಿರುವುದು ಸುಳ್ಳಲ್ಲ.
ಇದನ್ನೂ ಓದಿ/ಭಾರತದಲ್ಲೇ ನಿರ್ಮಿತ ಮೊದಲ ಹೋವರ್ಕ್ರಾಫ್ಟ್ ಕರಾವಳಿ ಕಾವಲು ಪಡೆಗೆ ಸೇರ್ಪಡೆ
