ಸುದ್ದಿಬಿಂದು ಬ್ಯೂರೋ ವರದಿ
ಕುಮಟಾ: ತಾಲೂಕಾ ಸರಕಾರಿ ಆಸ್ಪತ್ರೆಗೆ ಅತ್ಯವಶ್ಯಕವಾಗಿದ್ದ ಹೃದಯ ಸಂಬಂಧಿ ಕಾಯಿಲೆಗಳ ತಪಾಸಣೆಗಾಗಿ ಬೇಕಾಗಿದ್ದ 2D ಎಕೋ (2D ECHO) ಪರೀಕ್ಷಾ ಯಂತ್ರವನ್ನು ಉದ್ಯಮಿ ಗಣೇಶ ನಾಯ್ಕ ಹೆಗಡೆ ಅವರು ಕೊಡುಗೆಯಾಗಿ ನೀಡಿದ್ದಾರೆ.
ಹೃದಯದ ಕಾರ್ಯವೈಖರಿಯನ್ನು ಸಮಗ್ರವಾಗಿ ಪರಿಶೀಲಿಸಲು ಹಾಗೂ ವಿವಿಧ ಹೃದಯ ಸಮಸ್ಯೆಗಳನ್ನು ಪತ್ತೆಹಚ್ಚಲು ಉಪಯುಕ್ತವಾಗಿರುವ ಈ ಅತ್ಯಾಧುನಿಕ 2D ಎಕೋ ಸಾಧನವನ್ನು ರೂ. 3.22 ಲಕ್ಷ ವೆಚ್ಚದಲ್ಲಿ ಉದ್ಯಮಿ ಗಣೇಶ ಡಿ ನಾಯ್ಕ್, ಹೆಗಡೆ ಕೊಡುಗೆಯಾಗಿ ನೀಡಿದ್ದಾರೆ..
ಗುತ್ತಿಗೆದಾರರಾಗಿರುವ ಗಣೇಶ ಡಿ ನಾಯ್ಕ್, ಹೆಗಡೆ ಅವರು ಸಮಾಜ ಸೇವೆಯ ಮನೋಭಾವದಿಂದ ಸಾರ್ವಜನಿಕ ಆರೋಗ್ಯ ಸೇವೆಗೆ ನೆರವಾಗುವ ಉದ್ದೇಶದಿಂದ ಈ ಉಪಕರಣವನ್ನು ಆಸ್ಪತ್ರೆಗೆ ಒದಗಿಸಿದ್ದಾರೆ. ಇದರಿಂದಾಗಿ ಇದೀಗ ಕುಮಟಾ ಆಸ್ಪತ್ರಗೆ ಬರುವ ಗ್ರಾಮೀಣ ಪ್ರದೇಶದ ಬಡ ಹಾಗೂ ಮಧ್ಯಮ ವರ್ಗದ ಜನರಿಗೆ ಹೃದಯ ರೋಗಗಳ ತಪಾಸಣೆ ಸುಲಭವಾಗಿ ಲಭ್ಯವಾಗಲಿದೆ. ಈ ಉಪಕರಣದಿಂದ ಚಿಕಿತ್ಸಾ ಸೇವೆಯ ಗುಣಮಟ್ಟ ಇನ್ನಷ್ಟು ಉತ್ತಮವಾಗಲಿದೆ ಎಂದು ಆಸ್ಪತ್ರೆಯ ವೈದ್ಯರು ಹಾಗೂ ಸಿಬ್ಬಂದಿಯವರು ತಿಳಿಸಿದ್ದಾರೆ.
ಇನ್ನೂ ಗಣೇಶ ಡಿ ನಾಯ್ಕ್, ಹೆಗಡೆ ಅವರ ಸಮಾಜಮುಖಿ ಕಾರ್ಯಕ್ಕೆ ಸಾರ್ವಜನಿಕ ವಲಯದಲ್ಲಿ ವ್ಯಾಪಕ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ/ “ಸರಕಾರಿ ಹುದ್ದೆಗಳು ಖಾಲಿ ಉಳಿಯಲು ಬಿಜೆಪಿ ಕಾರಣ : ಕಾಂಗ್ರೇಸ್ ವಕ್ತಾರ ಪ್ರಸನ್ನ ನಾಯ್ಕ್ ಆರೋಪ
