ಸುದ್ದಿಬಿಂದು ಬ್ಯೂರೋ ವರದಿ
ಕುಮಟಾ: ಬಿಹಾರದ ಪಾಟ್ನಾದಲ್ಲಿ ನಡೆದ ರಾಷ್ಟ್ರೀಯ ಏಡ್ಸ್ ನಿಯಂತ್ರಣ ಸಂಸ್ಥೆ (NACO) ಆಯೋಜಿಸಿದ ರಾಷ್ಟ್ರೀಯ ರೆಡ್ ರಿಬ್ಬನ್ ರಸಪ್ರಶ್ನೆ 2024ರಲ್ಲಿ ಉತ್ತರಕನ್ನಡ ಜಿಲ್ಲೆಯ ಕುಮಟಾ ಪಟ್ಟಣದ CVSK ಪ್ರೌಢಶಾಲೆಯ ಇಬ್ಬರೂ ವಿದ್ಯಾರ್ಥಿನಿಯರು ರಾಷ್ಟ್ರಮಟ್ಟದಲ್ಲಿ ವಿಜೇತರಾಗಿದ್ದಾರೆ.
ಶಿಕ್ಷಕ ದಂಪತಿಗಳಾದ ಉದಯ ನಾಯ್ಕ, ಪ್ರತಿಮಾ ನಾಯ್ಕ ಇವರ ಸುಪುತ್ರಿ (ಕಿಮಾನಿ,ಗುಂದ) ಸ್ನೇಹಾ ಉದಯ ನಾಯ್ಕ, ಹಾಗೂ ಅದೇ ಶಾಲೆಯ ವಿದ್ಯಾರ್ಥಿ‌ನಿ ಸಿಂಚನಾ ಭಟ್ ಅತ್ಯುತ್ತಮ ಸಾಧನೆ ಮಾಡುವ ಮೂಲಕ ವಿಜೇತರಾಗಿದ್ದಾರೆ.ಇವರು ಇದನ್ನಕ್ಕೂ ಮೊದಲು ಕೇರಳದ ಕೊಚ್ಚಿಯಲ್ಲಿ ನಡೆದ ದಕ್ಷಿಣ ಭಾರತ ವಲಯ ಮಟ್ಟದ ರೆಡ್ ರಿಬ್ಬನ್ ರಸಪ್ರಶ್ನೆ ಯಲ್ಲಿ ವಿಜೇತರಾಗಿ ರಾಷ್ಟ್ರೀಯ ಮಟ್ಟಕ್ಕೆ ಆಯ್ಕೆಯಾಗಿದ್ದರು.
ಪ್ರಮುಖ ನಾಲ್ಕು ತಂಡಗಳು: ಕರ್ನಾಟಕ,ಅಸ್ಸಾಂ, ಬಿಹಾರ ಮತ್ತು ಜಮ್ಮು ಮತ್ತು ಕಾಶ್ಮೀರ. ಕರ್ನಾಟಕವನ್ನು ಪ್ರತಿನಿಧಿಸಿದ ಸ್ನೇಹಾ ಹಾಗೂ ಸಿಂಚನಾ ತಂಡ ಎದುರಾಳಿಗಳಿಗೆ ಕಠಿಣ ಪೈಪೋಟಿ ನೀಡುವ ಮೂಲಕ ಆಕರ್ಷಕ ಪ್ರದರ್ಶನ ನೀಡಿದ್ದರಾರೆ.ವಿದ್ಯಾರ್ಥಿನಿಯರ ಈ ಸಾಧನೆಯಿಂದಾಗಿ CVSK ಪ್ರೌಢಶಾಲೆಯ ಕಿರ್ತಿ ರಾಷ್ಟ್ರಾ‌ಮಟ್ಟದಲ್ಲಿ ಹೆಚ್ಚುವಂತಾಗಿದೆ.
ಸ್ನೇಹಾ ನಾಯ್ಕ ಹಾಗೂ ಸಿಂಚನಾ ಭಟ್ ಇವರ ಸಾಧನೆಗೆ ಶಿಕ್ಷಣ ಇಲಾಖೆ, ಶಾಲಾ ಆಡಳಿತ ಮಂಡಳಿ, ಶೈಕ್ಷಣಿಕ ಸಲಹೆಗಾರರು, ಕೊಂಕಣ ಸಂಸ್ಥೆಗಳ ಮುಖ್ಯಸ್ಥರು, ಶಿಕ್ಷಕರು ಮತ್ತು ಪೋಷಕರು ತಮ್ಮ ಸಂತಸ ವ್ಯಕ್ತಪಡಿಸಿದ್ದು ಸಾಧನೆ ಮಾಡಿದ ವಿದ್ಯಾರ್ಥಿಗಳು ಮತ್ತು ಅವರ ಮಾರ್ಗದರ್ಶಕ ಶಿಕ್ಷಕರನ್ನು ಅಭಿನಂದಿಸಿದ್ದಾರೆ.
ಗಮನಿಸಿ
