ಚಿನ್ನದ ಬೆಲೆ ಇತ್ತೀಚಿನ ದಿನಗಳಲ್ಲಿ ದಾಖಲೆಯ ಮಟ್ಟಕ್ಕೆ ಏರಿದ್ದರೂ, ಇದೀಗ ಅದರಲ್ಲಿ ಸ್ಪಷ್ಟವಾದ ಇಳಿಕೆ ಕಂಡುಬಂದಿದೆ. ಚಿನ್ನಾಭರಣ ಖರೀದಿಗೆ ಕಾಯುತ್ತಿದ್ದವರಿಗೆ ಇದು ಸಂತಸದ ಸುದ್ದಿಯಾಗಿದೆ. ಮಾರುಕಟ್ಟೆಗಳಲ್ಲಿ ಚಿನ್ನ–ಬೆಳ್ಳಿ ದರಗಳಲ್ಲಿ ಏರಿಳಿತ ಮುಂದುವರಿದಿದ್ದರೂ, ಸದ್ಯ ಚಿನ್ನದ ಬೆಲೆ ಇಳಿಕೆಯ ಹಾದಿ ಹಿಡಿದಿದೆ.
ಫೆಬ್ರವರಿ 6ರಂದು ಒಂದೇ ದಿನದಲ್ಲಿ 10 ಗ್ರಾಂ ಶುದ್ಧ ಚಿನ್ನದ ದರದಲ್ಲಿ 2,070 ರೂಪಾಯಿ ಇಳಿಕೆ ದಾಖಲಾಗಿದೆ. ಇದರೊಂದಿಗೆ 24 ಕ್ಯಾರೆಟ್ ಚಿನ್ನದ 1 ಗ್ರಾಂ ಬೆಲೆ 15,235 ರೂಪಾಯಿಗೆ ತಲುಪಿದ್ದು, 10 ಗ್ರಾಂ ಬೆಲೆ 1,52,350 ರೂಪಾಯಿ ಆಗಿದೆ. 22 ಕ್ಯಾರೆಟ್ ಬಂಗಾರದ ಚಿನ್ನದ ದರವೂ ಇಳಿಕೆಯಾಗಿದ್ದು, ಪ್ರತಿ ಗ್ರಾಂಗೆ 13,965 ರೂಪಾಯಿಯಷ್ಟಿದೆ.
ರಾಜಧಾನಿ ಬೆಂಗಳೂರಿನಲ್ಲಿ 24 ಕ್ಯಾರೆಟ್ ಚಿನ್ನದ ದರ ಪ್ರತಿ ಗ್ರಾಂಗೆ 15,235 ರೂಪಾಯಿ ಇದ್ದರೆ, ಉತ್ತರ ಕನ್ನಡ ಜಿಲ್ಲೆಯ ಕಾರವಾರದಲ್ಲಿ 22 ಕ್ಯಾರೆಟ್ ಚಿನ್ನದ ಬೆಲೆ 14,075 ರೂಪಾಯಿ ಹಾಗೂ 24 ಕ್ಯಾರೆಟ್ ಚಿನ್ನದ ಬೆಲೆ 14,978 ರೂಪಾಯಿಯಾಗಿದೆ. ಈ ದರಗಳಿಗೆ ಜಿಎಸ್ಟಿ ಸೇರಿಲ್ಲವಾದ್ದರಿಂದ, ಅಂಗಡಿ ಪ್ರಕಾರ ವ್ಯತ್ಯಾಸ ಕಂಡುಬರುವ ಸಾಧ್ಯತೆ ಇದೆ.
ಇನ್ನೊಂದೆಡೆ ಬೆಳ್ಳಿ ದರದಲ್ಲಿಯೂ ಇಳಿಕೆ ಕಂಡುಬಂದಿದ್ದು, ಇಂದು ಪ್ರತಿ ಗ್ರಾಂಗೆ 25 ರೂಪಾಯಿ ಕಡಿಮೆಯಾಗಿದೆ. ಇದರೊಂದಿಗೆ ಬೆಳ್ಳಿ ಬೆಲೆ ಪ್ರತಿ ಗ್ರಾಂಗೆ 275 ರೂಪಾಯಿ ಆಗಿದ್ದು, ಕಿಲೋಗ್ರಾಂಗೆ 25 ಸಾವಿರ ರೂಪಾಯಿ ಇಳಿಕೆಯೊಂದಿಗೆ 2,75,000 ರೂಪಾಯಿಗೆ ತಲುಪಿದೆ.
ಜನವರಿ 30ರಿಂದ ಚಿನ್ನದ ಬೆಲೆಯಲ್ಲಿ ಇಳಿಕೆ ಆರಂಭವಾಗಿದ್ದು, ಜನವರಿ 29ರಂದು ಗರಿಷ್ಠ 17,885 ರೂಪಾಯಿ ಇದ್ದ ದರ, ಫೆಬ್ರವರಿ ಮೊದಲ ವಾರದಿಂದ ಮತ್ತೆ ಏರಿಳಿತದ ಹಂತಕ್ಕೆ ಪ್ರವೇಶಿಸಿದೆ. ಸದ್ಯ ಶುದ್ಧ ಚಿನ್ನದ ದರ ಸುಮಾರು 1 ಲಕ್ಷ 54 ಸಾವಿರ ರೂಪಾಯಿಯ ಮಟ್ಟದಲ್ಲಿ ಸ್ಥಿರಗೊಳ್ಳುತ್ತಿರುವ ಸೂಚನೆಗಳು ದೊರಕುತ್ತಿವೆ.
ಚಿನ್ನದ ಬೆಲೆಯಲ್ಲಿ ಮುಂದುವರಿಯುತ್ತಿರುವ ಈ ಇಳಿಕೆ ಪ್ರವೃತ್ತಿಯಿಂದಾಗಿ, ಹಬ್ಬ–ಮದುವೆ ಹಿನ್ನೆಲೆಯಲ್ಲಿ ಚಿನ್ನ ಖರೀದಿಗೆ ಜನ ಹೆಚ್ಚಿನ ಆಸಕ್ತಿ ತೋರಿಸುವ ಸಾಧ್ಯತೆ ಇದೆ.
